Kiran Behera
ସାରା ଦେଶରେ ପୁଣିଥରେ କରୋନା ତାହାର ଦ୍ବିତୀୟ ଲହରୀରେ କାୟା ବିସ୍ତାର ଆରମ୍ଭ କରି ସାରିଥିବା ବେଳେ ରାଜ୍ୟ ତଥା ଜିଲ୍ଲା ମାନଙ୍କରେ ସଂକ୍ରମଣ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ମଧ୍ୟ ଜଣାପଡିଛି । ଯାହାଫଳରେ ରାଜ୍ୟ ସରକାର ରାଜ୍ୟର ସମସ୍ତ ଜିଲ୍ଲା ମାନଙ୍କରେ ରାତ୍ରୀକାଳୀନ କର୍ଫ୍ୟୁ କଟକଣା କରିଥିବା ବେଳେ ଅନ୍ୟ କେତେକ ଜିଲ୍ଲାରେ ରାତି ୯ ଟାରୁ ସକାଳ ୫ ପର୍ଯ୍ୟନ୍ତ ନାଇଟ କର୍ଫ୍ୟୁ ଜାରି କରିଥିବା ଜଣାପଡ଼ିଛି । ଯାହାଫଳରେ ଜିଲ୍ଲାର ପ୍ରମୁଖ ସହରାଞ୍ଚଳ ମାନଙ୍କରେ ରାତ୍ରୀକାଳୀନ କର୍ଫ୍ୟୁରେ ଚେକିଙ୍ଗ ବ୍ୟବସ୍ଥା କଡାକଡି କରିବା ପାଇଁ ବ୍ଳକ ପ୍ରଶାସନ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ଜିଲ୍ଲା ପ୍ରଶାସନର ନିର୍ଦ୍ଦେଶ ଅନୁସାରେ ଶନିବାର ରାତିରେ ଦିଗପହଣ୍ଡି ଥାନା ପକ୍ଷରୁ ରାତି ୯ ଟା ପରେ ସହରର ବିଭିନ୍ନ ସ୍ଥାନରେ ପଇଁତରା ମାରି ମାସ୍କ ଓ ହେଲମେଟ ଯାଞ୍ଚ କରି ଅମାନିଆ ଯୁବକଙ୍କ ଠାରୁ ୬ ହଜାରରୁ ଉର୍ଦ୍ଧ୍ବ ଟଙ୍କା ଜୋରିମାନା ଆଦାୟ କରିଥିବା ଥାନା ଅଧିକାରୀ ବସନ୍ତ କୁମାର ସେଠୀ ସୂଚନା ଦେଇଛନ୍ତି ।
