Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ କେ. ନୂଆଗାଁ ଥାନା ଅର୍ନ୍ତଗତ ବମକୋଇ ପଞ୍ଚାୟତ ରାଇଗୁଡା ଗ୍ରାମରେ ଶନିବାର ସକାଳୁ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗ୍ରାମର ଟୁନା ପାଇକ (୨୮) ନାମକ ଜଣେ ଯୁବକକୁ ଗୁଣିଗାରେଡି କରୁଥିବା ସନ୍ଦେହରେ ଉକ୍ତ ଗ୍ରାମର ମନୁ ନାୟକ ଓ ବିଚ୍ଛନ ଦଳାଇ ନାମକ ଦୁଇ ଯୁବକ ପଥରରେ ଆକ୍ରମଣ କରିଥିବା ନେଇ ଟୁନା କେ . ନୂଆଗାଁ ଥାନାରେ ଏତଲା ଦେଇଥିବା ଜଣାପଡିଛି । ଖବରନୁଯାୟୀ , ବମକୋଇ ଗ୍ରାମ ଠାରୁ ୮ କିଲୋମିଟର ଦୂରରେ ଅବସ୍ଥିତ ଆଦିବାସୀ ଗ୍ରାମରେ ଟୁନା ଦୀର୍ଘ ଦଶବର୍ଷ ଧରି ଗ୍ରାମରେ ନୃସିଂହଙ୍କ ପୂଜାର୍ଚ୍ଚନା କରି ଆସୁଅଛି । ତେବେ ଶନିବାର ସକାଳ ୭ ଘଣ୍ଟା ସମୟରେ ଗ୍ରାମର ଏକ କୂପରେ ଗାଧୋଇବା ସମୟରେ ଉଭୟ ମନୁ ଓ ବିଚ୍ଛନ ପାଖକୁ ଆସି କାରଣ ବୁଝିବା ପୂର୍ବରୁ ବଡ଼ବଡ଼ ପଥର ସାହାଯ୍ୟରେ ଆକ୍ରମଣ କରି ସେଠାରୁ ଚାଲିଯିବା ସହ ଧମକ ଦେଇଥିଲେ । ଏପରିକି ଟୁନାର ମୁଣ୍ଡ ଓ ଶରୀରରେ ଆଘାତ ମଧ୍ୟ ଲାଗିଥିବା ଅଭିଯୋଗ ହୋଇଛି । ଏନେଇ ଟୁନା ପ୍ରଥମେ ବମକୋଇ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚି ଚିକିତ୍ସା କରାଇବା ପରେ ନୂଆପଡ଼ା ଫାଣ୍ଡିରେ ଏକ ଲିଖିତ ଅଭିଯୋଗ କରିଥିଲେ । ଟୁନାଙ୍କ ଲିଖିତ ଅଭିଯୋଗକୁ ଭିତ୍ତିକରି କେ . ନୂଆଗାଁ ଥାନା ପୋଲିସ ଅଭିଯୁକ୍ତ ଦ୍ବୟଙ୍କ ବିରୁଦ୍ଧରେ ମକଦ୍ଦମା ରୁଜୁ କରି ତଦନ୍ତ ଚଳାଇଥିବା ଥାନା ଅଧିକାରୀ ମୃତ୍ୟୁଞ୍ଜୟ ସ୍ବାଇଁ ସୂଚନା ଦେଇଛନ୍ତି ।
ସଟଡାଉନ ନିୟମକୁ ବେଖାତିର କରି ତଣ୍ଡ ଗଣିଲେ ଅମାନିଆ : ଦିଗପହଣ୍ଡି ପୋଲିସ ପକ୍ଷରୁ ଯାଞ୍ଚ ବ୍ୟବସ୍ଥା କଡାକଡି
Read More...
