ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ବମକୋଇ ଗ୍ରାମରେ ପବିତ୍ର ଦୋଳଯାତ୍ରା ଅବସରରେ ଶ୍ରୀ ଶ୍ରୀ ଶ୍ରୀ ସଂସ୍କାର ଯୁବ ନାଟ୍ୟ ସଂସଦ ପକ୍ଷରୁ ଆୟୋଜିତ ନାଟକ " ଚକ୍ରିର ଚକ୍ରବିହ୍ଯୁରେ ଅଭିମନ୍ୟୁ " ମଞ୍ଚସ୍ଥ ହୋଇଯାଇଛି । ଗୁରୁବାର ଅପରାହ୍ନ ୪ ଘଣ୍ଟା ସମୟରେ ପରିବେଷିତ ହୋଇଥିବା ନାଟକରେ ଦିଗପହଣ୍ଡି ବ୍ଲକ ଅଧ୍ୟକ୍ଷ ବିପିନ ଚନ୍ଦ୍ର ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଇ ପ୍ରଦୀପ ପ୍ରଜ୍ବଳନ କରିବା ସହ ନାଟକର ଶୁଭାରମ୍ଭ କରିଥିଲେ । ସେହିପରି ଦିଗପହଣ୍ଡି ବ୍ଲକ ବିଜେଡି ସଭାପତି ଉଦୟନାଥ ସ୍ବାଇଁ , ନଗର ସଭାପତି ପ୍ରମୋଦ ପାଣିଗ୍ରାହୀ , ସରପଞ୍ଚ ସଂଘ ସଭାପତି କେ. ହରିବନ୍ଧୁ ରେଡ୍ଡୀ , ଗୋକର୍ଣ୍ଣପର ସେବା ସମବାୟ ସମିତି ସଭାପତି ଅସିତ କୁମାର ସାହୁ , ବମକୋଇ ସରପଞ୍ଚ ପ୍ରତିନିଧି ଭଗବାନ ବାଡତ୍ଯା , ମ୍ୟାନେଜର ସୁବାଷ ଚନ୍ଦ୍ର ପ୍ରଧାନ , ସଂପାଦକ ଭାସ୍କର କବି , ଉପଦେଷ୍ଟା ଲୁଲା ପାତ୍ର , ଯୁବ ବିଜେଡି ଛାତ୍ର ସଭାପତି ରାଜକିଶୋର ମହାନ୍ତି , ନାଏବ ସରପଞ୍ଚ ଜଗନ୍ନାଥ ପ୍ରଧାନ , ଦେବରାଜ ପ୍ରଧାନ ପ୍ରମୁଖ ସମ୍ମାନୀୟ ଅତିଥିଭାବେ ମଞ୍ଚାସିନ ଥିଲେ । ଭିକାରୀ ଚରଣ ଛୋଟରାୟଙ୍କ ନିର୍ଦ୍ଦେଶନାରେ ଅନୁଷ୍ଠିତ ଉତ୍ସବ ଶେଷରେ ବମକୋଇ ଯୁବକ ସଂଘର କଳାକାରମାନଙ୍କୁ ନେଇ ନାଟକ ପରିବେଷଣ ହୋଇଥିଲା । ଏହି ନାଟକକୁ ପରିଚାଳନା କରିବାରେ ବମକୋଇ ଗ୍ରାମବାସୀ ଓ ବିଜୁ ଯୁବ ବାହିନୀର ସମସ୍ତ ସଦସ୍ୟ ସମ୍ପୂର୍ଣ୍ଣ ସହାୟତା ପ୍ରଦାନ କରିଥିଲେ । ଏଥିସହ ଗୁରୁବାର ଦିନ ପୂର୍ବତନ ଖାଦ୍ୟ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଦିଗପହଣ୍ଡି ଥାନା ବଡଡୁମ୍ବୁଳା ଗ୍ରାମରେ ଗତକାଲି ମଧ୍ୟରାତ୍ରିରୁ ଚାଲିଥିବା ମାଁ ବାଙ୍କେଶ୍ଵରୀଙ୍କ ଯାତ୍ରା ପୀଠକୁ ଯାଇ ମାଁଙ୍କୁ ଦର୍ଶନ କରି ପୂଜାର୍ଚ୍ଚନା କରିଥିବା ଜଣାପଡିଛି ।