ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ କଇଠଖଣ୍ଡି ପଞ୍ଚାୟତ ବୋରିପଦର ଗ୍ରାମର ହାଇସ୍କୁଲ ଖେଳପଡିଆ ଠାରେ ଦୀର୍ଘ ଚାରି ଦିନ ଧରି ଚାଲିଥିବା ଲକ୍ଷ୍ମଣ ମେମୋରିଆଲ ଭଲିବଲ ଟୁର୍ଣ୍ଣାମେଣ୍ଟ ସୋମବାର ଦିନ ଉଦଯାପିତ ହୋଇଯାଇଥିବା ଜଣାପଡ଼ିଛି । କଳିଙ୍ଗ ଯୁବ ପରିଷଦ ଆନୁକୁଲ୍ୟରେ ଆୟୋଜିତ ଶେଷ ତଥା ଫାଇନାଲ ମ୍ୟାଚରେ ଦିଗପହଣ୍ଡି ଓ ଓଡାସିଙ୍ଗି ମଧ୍ୟରେ ଅନୁଷ୍ଠିତ ହୋଇଥିଲା । ତେବେ ଓଡାସିଙ୍ଗି ଦଳ ନିଜର ଶ୍ରେଷ୍ଠ ପ୍ରଦର୍ଶନ ମାଧ୍ୟମରେ ଦିଗପହଣ୍ଡି ଦଳକୁ ପ୍ରଥମରୁ ଧରାଶାୟୀ କରି ୩-୦ ସେଟରେ ହରାଇ ବିଜୟର ମୁକୁଟ ପିନ୍ଧିଥିଲା । ଏହାପରେ ଉଦଯାପନୀ ସମାରୋହରେ ପୂର୍ବତନ ସରପଞ୍ଚ ପ୍ରତିନିଧି ମନୋରଞ୍ଜନ ଗୈାଡ , ପୂର୍ବତନ ସମିତି ସଭ୍ୟ ସତ୍ୟନାରାୟଣ ରଥ ଯୋଗଦେଇ ବିଜେତା ଓ ଉପବିଜେତା ଦଳକୁ ଟ୍ରଫି ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ବିଶ୍ବନାଥ ଗୈାଡ , ସୁନୀଲ ଗୈାଡ , ସତ୍ୟନାରାୟଣ ଗୈାଡ , ବିଭୂତି ଭୂଷଣ ଗୈାଡ , ରାଜେନ୍ଦ୍ର ପ୍ରସାଦ ଗୈାଡ , ମୁନା ସାହୁ , ବୁଲୁ ଗୈାଡ , ଶିବରାମ ସାହୁ , ଶକ୍ତି ସାହୁ ସମେତ ବହୁ ଟୁର୍ଣ୍ଣାମେଣ୍ଟ ଆୟୋଜକ ସଦସ୍ୟ ଉପସ୍ଥିତ ରହି ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ ।