Kiran Behera
ଓଡ଼ିଶା ଭାଷା , ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ବୁଧବାର ଦିନ ଦିଗପହଣ୍ଡି ବିଚିତ୍ର ବର୍ଣ୍ଣାଳୀ ନାଟ୍ୟ ସଂସଦ ପରିସରରେ ଦୀକ୍ଷାନ୍ତ କାର୍ଯ୍ୟକ୍ରମ ଜରିଆରେ ରାଜ୍ୟରେ ଲୋପ ପାଇ ଆସୁଥିବା ଲୋକନୃତ୍ୟ ତଥା ସଖୀନାଟକୁ ଗୁରୁ ଶିଷ୍ୟ ପରମ୍ପରା ମାଧ୍ୟମରେ ପୁନରୁଦ୍ଧାର ନିମନ୍ତେ ଏକ ତାଲିମ ଶିବିର ଅନୁଷ୍ଠିତ ହୋଇଯାଇଛି । ଭୁବନେଶ୍ୱର ସ୍ଥିତ ଓଡ଼ିଶା ସଙ୍ଗୀତ ନାଟକ ଏକାଡେମୀ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଓଡିଶା ସଂଗୀତ ନାଟକ ଏକାଡେମୀ ସଭାପତି ପଦ୍ମଶ୍ରୀ ଅରୁଣା ମହାନ୍ତି , ଉପସଭାପତି ମନ୍ମଥ କୁମାର ଶତପଥୀ , ସମ୍ପାଦକ ପ୍ରବୋଧ ରଥ , ପ୍ରାକ୍ତନ ସଂସ୍କୃତି ନିର୍ଦ୍ଦେଶକ କୃଷ୍ଣ ଚନ୍ଦ୍ର ନିଶାଙ୍କ ଏବଂ ବ୍ଲକ କଳା ସଂସ୍କୃତି ସଙ୍ଘ ଉପସଭାପତି ସନ୍ତୋଷ କୁମାର ପାଢ଼ୀ ମଞ୍ଚାସିନ ରହିଥିଲେ । ଏହି ଅବସରରେ ସଖୀନାଟ ଗୁରୁ ଶ୍ରୀ କାଳୁଚରଣ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଦଶ ଜଣ ଶିଷ୍ୟ ଆଗାମୀ ଛଅ ମାସ ପର୍ଯ୍ୟନ୍ତ ବିଚିତ୍ର ବର୍ଣାଳୀ ନାଟ୍ୟ ସାଂସଦ, ଦିଗପହଣ୍ଡି ଶାଖା ଠାରେ ସଖୀନାଟ ଶିକ୍ଷ୍ୟା ଗ୍ରହଣ କରିବେ । ଏହି କାର୍ଯ୍ୟକ୍ରମରେ ଦଶକାଠିଆ ଗୁରୁ ଶ୍ରୀ ଦେବେନ୍ଦ୍ରନାଥ ଦାସ, ଗାହଣୀ ଗୁରୁ ଶ୍ରୀ ବନବାସୀ ନାହାକ , ରାଧାପ୍ରେମଲୀଳା ଗୁରୁ ଶ୍ରୀ ସିମାଞ୍ଚଳ ମଣ୍ଡଳ , ଯୁଧିଷ୍ଠିର ନାୟକ , ବନଜ ସାହୁ , ଓଡିଶୀ ଗୁରୁ ଶ୍ରୀ ଜୟନ୍ତ ଆଚାର୍ଯ୍ୟ , ବାଦ୍ୟକାର ଭୀମସେନ ମାହାଙ୍କୁଡ , ବାସୁ ନାୟକ ପ୍ରମୁଖ ଯୋଗ ଦେଇଥିଲେ । ସେହିପରି ବିଚିତ୍ର ବର୍ଣାଳୀ ନାଟ୍ୟ ସାଂସଦ ସମ୍ପାଦକ ଆଲୋକ ବିଷୋୟୀ , ସହ ସମ୍ପାଦକ ଏସ୍ . କ୍ଷୀରୋଦ ଦୋରା , ଧ୍ରୁବ ଗୌଡ , ଦୁର୍ଗାମାଧବ ନାୟକ , ଜିତେନ୍ ମହାପାତ୍ର , ରବୀନ୍ଦ୍ର ବେହେରା , ଏ . ଗୌରୀଶଙ୍କର , ସୁମନ ମହାପାତ୍ର ପ୍ରମୁଖ ପରିଚଳନା କରିବାରେ ସହଯୋଗ ପ୍ରଦାନ କରିଥିଲେ ।
