Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ପଦ୍ମନାଭପୁୁର ହାଇସ୍କୁଲ ସାହି ବାସିନ୍ଦା ୟୁ . ସରସ୍ଵତୀ ନାମ୍ନୀ ମହିଳାଙ୍କ ସ୍ଵର୍ଗାରୋହଣ ପରେ ସୋମବାର ତାଙ୍କ ସ୍ମୃତି ଚାରଣ ଉଦ୍ଦେଶ୍ୟରେ ଭାରତୀୟ ରେଡ଼କ୍ରସ୍ ପାଣ୍ଠିକୁ ସ୍ବାମୀ ୟୁ . ଗାଉରେଆ ୫ ହଜାର ଟଙ୍କା ଦିଗପହଣ୍ଡି ତହସିଲଦାର ଅଦୈତ କୁମାର ସ୍ୱାଇଁଙ୍କ ଜରିଆରେ ପ୍ରଦାନ କରିଥିବା ଜଣାପଡ଼ିଛି । ଖବରନୁଯାୟୀ , ଗାଉରେଆଙ୍କ ସ୍ତ୍ରୀ ସ୍ବର୍ଗତ ସରସ୍ଵତୀଙ୍କ ଗତ କିଛିଦିନ ପୂର୍ବେ ଆକସ୍ମିକ ମୃତ୍ୟୁ ହୋଇଥିବା ବେଳେ ଆଜି ତାଙ୍କ ଏକଦଶାହ ରହିଥିଲା । କିନ୍ତୁ ଆସନ୍ତା କାଲି ସରସ୍ବତୀଙ୍କ ଦ୍ବାଦଶ ଅବସରରେ ସ୍ବାମୀ ସ୍ତ୍ରୀଙ୍କ ସ୍ମୃତିକୁ ମନେ ପକାଇବା ଉଦ୍ଦେଶ୍ୟରେ କିଛି ସାହାଯ୍ୟ କରିବା ପାଇଁ ମନ ବଳାଇଥିଲେ । ଏନେଇ ସ୍ଥାନୀୟ ସରପଞ୍ଚ ବି . କ୍ରିଷ୍ଣାରାଓ ସୁବୁଦ୍ଧିଙ୍କ ସହ ଆଲୋଚନା କରିଥିଲେ । ଏହାପରେ ସୋମବାର ଦିନ ସରପଞ୍ଚ ଶ୍ରୀ ସୁବୁଦ୍ଧି , ବୁଣାକାର ସମବାୟ ସମିତି ସଂପାଦକ ଏସ୍ . ନୀଳକଣ୍ଠ ଓ ସ୍ବର୍ଗତ ସରସ୍ଵତୀଙ୍କ ପୁଅ ୟୁ . ରାମାରାଓ ଦିଗପହଣ୍ଡି ତହସିଲଦାର କାର୍ଯ୍ୟାଳୟରେ ପହଞ୍ଚି ତହସିଲଦାର ଶ୍ରୀ ସ୍ବାଇଁଙ୍କ ଏହି ଅର୍ଥରାଶି ପ୍ରଦାନ କରିଥିଲେ ।
