Gouri Shankar Mishra
ରକ୍ତର ଅଭାବ ପୂରଣ କରିବା ପାଇଁ ବ୍ରହ୍ମପୁରର ଅଗ୍ରଣୀ ସେବା ସଂଗଠନ କାହ୍ନା ଚାରିଟେବଲ ଟ୍ରଷ୍ଟ ,ସମ୍ବାଦ ଆମ ଓଡ଼ିଶା , ମା ଦଣ୍ଡ କାଳୀ ବ୍ୟବସାୟ ସଂଘର ମିଳିତ ଅନୁକୂଲ୍ୟରେ ଗିରି ରୋଡ଼ ସ୍ଥିତ ଜୁମ୍ବା ଫିଟନେସ ସେଣ୍ଟର ଠାରେ ରକ୍ତଦାନ ଶିବିର କରାଯାଇଛି l ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ଏବଂ ବିଧାୟକ ବିକ୍ରମ ପଣ୍ଡା ମୁଖ୍ୟ ଅତିଥୀ ଭାବରେ ଯୋଗଦେଇ ଉକ୍ତ ଶିବିରର ଉଦ୍ଘାଟନ କରିଥିଲେ । ଏଥିରେ 49 ଜଣ ସ୍ବେଚ୍ଛାକୃତ ଭାବେ ରକ୍ତ ଦାନ କରିଛନ୍ତି । କାହ୍ନା ଚାରିଟେବଲର ଟ୍ରଷ୍ଟ ପ୍ରତିଷ୍ଠାତା ଶ୍ରୀମତୀ ରଞ୍ଜନା ମିଶ୍ରଙ୍କ ପୌରହିତ୍ୟିରେ ଆୟୋଜିତ ଏହି ଶିବିରରେ ପାର୍ଥ ପାଢ଼ୀ, ମୃତ୍ୟୁଞ୍ଜୟ ମହାନ୍ତି, ନିଭାସ୍ମିତା ପ୍ରଧାନ, ସଂଯୁକ୍ତା ଶାସମଲ, ଦିଲୀପ ମହାପାତ୍ର, ଡାକ୍ତର ସୁଜିତ ପାଣିଗ୍ରାହୀଙ୍କ ସମେତ ବହୁ ସଦସ୍ୟ ରକ୍ତଦାନ କରିଥିଲେ । ଏଥିରେ ରବୀନ୍ଦ୍ର ନାଥ ମିଶ୍ର, ବି. ସତୀଶ କୁମାର,ବିଶ୍ୱନାଥ ପାତ୍ର, ସୌମ୍ୟକାନ୍ତ ମହାପାତ୍ର, ସସ୍ମିତା ସାହୁ,ବିଷ୍ଣୁ ପ୍ରିୟା ପାଢ଼ୀ, ଅଶୋକ ପାଣିଗ୍ରାହୀ, କଳ୍ପନା ନାୟକ,ତମନା ନାୟକ ,ଦୟାରାମ ଯାନୀ ଏବଂ ବହୁ ସଦସ୍ୟା ଉପସ୍ଥିତ ରହି ସହଯୋଗ କରିଥିଲେ।
