Gouri Shankar Mishra
କେନ୍ଦ୍ର ସରକାରଙ୍କ ବିଭିନ୍ନ ନିଷ୍ପତିକୁ ବିରୋଧ କରି ବ୍ରହ୍ମପୁରସ୍ଥିତ କମାପଲ୍ଲୀଛକ ଠାରେ ସିପିଏମ ପକ୍ଷରୁ ଏକ ପ୍ରତିବାଦ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସୁଚନାନୁସାରେ, କେନ୍ଦ୍ର ସରକାର ରେଳବାଇ,ଜାତୀୟ ରାଜପଥ, ବିମାନ ବନ୍ଦର, ବନ୍ଦର, କୋଇଲା ଖଣି ସମେତ ବହୁ ମୂଲ୍ୟବାନ ସମ୍ପଦକୁ ବେସରକାରୀ କମ୍ପାନୀ ହାତରେ ବିକ୍ରି କରିବା ପାଇଁ ନିଷ୍ପତ୍ତି ନେଇଛନ୍ତି । କେବଳ ମାତ୍ର 6 ଲକ୍ଷ କୋଟି ଟଙ୍କାରେ ଦେଶର ସମ୍ପତ୍ତିକୁ ଆଦାନୀ ଓ ଆମ୍ବାନୀଭଳି କମ୍ପାନୀ ହାତରେ ଟେକିଦେବା ପାଇଁ ମୋଦି ସରକାର ଚକ୍ରାନ୍ତ କରିଛନ୍ତି ଯାହା ଦେଶ ତଥା ଜନ ବିରୋଧୀ । ତେଣୁ ଉକ୍ତ ନୀତିର ପ୍ରତ୍ୟାହାର ଦାବି କରି ସିପିଏମ ପକ୍ଷରୁ କମାପଲି ଛକଠାରେ ଏକ ପ୍ରତିବାଦ କାର୍ଯ୍ୟକ୍ରମ ସଂଗଠିତ ହୋଇଥିଲା । ଏହି କାର୍ଯ୍ୟକ୍ରମରେ ରାଜ୍ୟ ସମ୍ପାଦକ ଅଳି ପଟ୍ଟନାୟକ, ଯୁଧିଷ୍ଠିର ବେହେରା, ବସନ୍ତ ନନ୍ଦ, ପ୍ରତାପ ଚୌଧୁରୀ, ଚିଟି ବାବୁ, ରଂଜନ ପାତ୍ର, ଅଶୋକ ଦାସ, କିଶୋର ମିଶ୍ର, ଗୋପାଳ ମହାନ୍ତି ଏବଂ ଯୁବ ନେତା ଅଜିତ ପାଣିଗ୍ରାହୀ ଓ ତ୍ରିଲୋଚନ ପ୍ରଧାନ ପ୍ରମୁଖ ନେତୃତ୍ୱ ନେଇଥିଲେ।
