ବ୍ରହ୍ମପୁର ଟାଟାବେଞ୍ଜ ଛକ ନିକଟ ଅନନ୍ତ ନଗର ୫ମ ଗଳିରେ ଆହତ ହୋଇ ପଡ଼ି ରହିଥିବା ଗାଈର ଚିକିତ୍ସା ବ୍ରହ୍ମପୁର ପଶୁ ଚିକିତ୍ସାଳୟ ତରଫରୁ କରାଯାଇଛି।ଖବରରୁ ପ୍ରକାଶ ଯେ, ଦୀର୍ଘ ଦିନ ହେବ କୌଣସି କାରଣରୁ ଆହତ ହୋଇ ଲାଞ୍ଜ କଟି ଗୁରୁତର ଆହତ ହୋଇ ଜନ୍ତ୍ରଣାରେ ଛାଟିପିଟି ହେଉଥିଲା ଗୋଟିଏ ଗାଈ।ଉକ୍ତ ଗାଈ ଟୀକୁ ଯେତେବେଳେ ପଶୁପ୍ରେମୀ ଲତା ଦାସ ଦେଖିବାକୁ ପାଇଲେ ସେ ଯଥାଶୀଘ୍ର ଯୁବ ସାମ୍ବାଦିକ ତଥା ସମାଜସେବୀ ରୁପେଶ କୁମାର ପଣ୍ଡା କୁ ଏ ସମ୍ପର୍କରେ ଜଣାଇଥିଲେ। ପରବର୍ତ୍ତୀ ମୁହୂର୍ତ୍ତ ରେ ରୂପେଶ ଘଟଣାସ୍ଥଳରେ ପହଞ୍ଚି ପଶୁପ୍ରେମୀ ଲଲାଟେନ୍ଦୁ ଚୌଧୁରୀ ଓ ସ୍ଥାନୀୟ ଅଞ୍ଚଳର ଲତା ଦାସ, ସୁସୁମା ସାହୁ, ଚନ୍ଦନ ଓମ୍ ପାଠି, ସମାଜସେବୀ ସୁନିଲ ପଟ୍ଟନାୟକ, ଅଜୁନ ଜେନା, ସଚିନ ପାଢ଼ୀ,ଯୀଶୁଖ୍ରୀଷ୍ଟ ପ୍ରଧାନଙ୍କ ଦ୍ଵାରା ଗାଇଟିର ଚିକିତ୍ସା ବ୍ୟବସ୍ଥା କରିଥିଲେ। ଉତ୍ତମ ଚିକିତ୍ସା ପାଇ ବର୍ତ୍ତମାନ ଗାଇଟି ସାମନ୍ୟ ସୁସ୍ଥ ଅନୁଭବ କରୁଛି।ପଶୁ ଚିକିତ୍ସାଳୟ ଓ ସାମ୍ଭାଦିକ ଏବଂ ସ୍ଥାନୀୟ ଅଞ୍ଚଳରେ ଯୁବକ ମାନଙ୍କ ସହାୟତା ଫଳରେ ଗୋଟିଏ ନିରୀହ ନିଷ୍ପାପ ପଶୁ ନୁତନ ଜୀବନ ପାଇଥିବାରୁ ଏହି ମହାନ କାର୍ଯ୍ୟକୁ ସାଧାରଣରେ ଉଛ ପ୍ରଶଂସା କରାଯାଇଛି। ଉକ୍ତ ଗାଈ ଟିର 7ଦିନ ର ଚୁଆ ଥିବାରୁ । ଲତା ଦାସ, ସାମ୍ବାଦିକ ରୁପେଶ ପଣ୍ଡା,ସାମ୍ବାଦିକ,ସୁନିଲ ପଟ୍ଟନାୟକ,ସମାଜସେବୀ ଅର୍ଜୁନ ଜେନା,ସଚିନ ପାଢ଼ୀ ଓ ସଞ୍ଜୟ ବିଷୋୟୀ ଉକ୍ତ ଗାଇ ଓ ବାଛୁରୀ ଟିର ରହିବା ପାଇଁ ଏକ ଗୁହାଳ ନିର୍ମାଣ କରିଥିଲେ। ଆଗାମୀ ଦିନରେ ଗାଈ ର ସମ୍ପୁର୍ଣ୍ଣ ଦାୟିତ୍ଵ ଲତା ଦାସ ତୁଲାଇବେ ବୋଲି ପ୍ରତିଶ୍ରୁତି ଦେଇଛନ୍ତି।