ଓଡ଼ିଶା ବିଧାନସଭା ବାଚସ୍ପତି ତଥା ଦିଗପହଣ୍ଡି ନିର୍ବାଚନ ମଣ୍ଡଳୀ ବିଧାୟକ ଡଃ . ସୂର୍ଯ୍ୟନାରାୟଣ ପାତ୍ର ସୋମବାର ଓ ମଙ୍ଗଳବାର ଦିନ ଦୁଇଦିନିଆ ଦିଗପହଣ୍ଡି ବ୍ଲକ ଗସ୍ତରେ ଆସୁଥିବା ଜଣାପଡିଛି । ଏହି ଅବସରରେ ବାଚସ୍ପତି ଶ୍ରୀ ପାତ୍ର ସୋମବାର ଦିନ ଦିଗପହଣ୍ଡି ବ୍ଲକ କାର୍ଯ୍ୟାଳୟ ପରିସରରେ ସମନ୍ୱୟ ମେଳା ଓ ପରଦିନ ଦିଗପହଣ୍ଡି ଅବକାରୀ ବିଭାଗର ନୂତନ ଗୃହ ସମେତ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ପୋଷାକ ବିତରଣ କରିବାର କାର୍ଯ୍ୟକ୍ରମ ରହିଛି । ଏହିପରି ବ୍ଳକ ଅଧିନସ୍ଥ କୁଶପଡା , ବିଜୟ ଲକ୍ଷ୍ମୀନାରାୟଣ ପୁର , ଚୌଧୁରୀ ଟିକରପଡ଼ା ପଞ୍ଚାୟତର ବିଭିନ୍ନ ଉନ୍ନୟନମୂଳକ କାର୍ଯ୍ୟର ଉଦଘାଟନ କରିବାର କାର୍ଯ୍ୟସୂଚୀ ରହିଥିବା ଜଣାପଡିଛି ।