ଗଞ୍ଜାମ ଜିଲ୍ଲା ସାନଖେମୁଣ୍ଡି ପ୍ରେସ କ୍ଳବ ପକ୍ଷରୁ ମଙ୍ଗଳବାର ପୂର୍ବାହ୍ନରେ ସ୍ଥାନୀୟ ଶିକ୍ଷକ ଭବନ ପରିସରରେ ଜାତୀୟ ପ୍ରେସ ଦିବସ ପାଳନ ହୋଇଯାଇଛି । ପ୍ରେସ କ୍ଳବ ସଭାପତି ବିନାୟକ ଦାଶଙ୍କ ଅଧ୍ୟକ୍ଷତାରେ ଆୟୋଜିତ ଦିବସରେ ସାନଖେମୁଣ୍ଡି ଗୋଷ୍ଠୀ ଉନ୍ନୟନ ଅଧିକାରୀ ଗାୟତ୍ରୀ ଦତ୍ତ ନାୟକ ମୁଖ୍ୟ ଅତିଥିଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ରୂପେ ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ , ସାନଖେମୁଣ୍ଡି ସାହିତ୍ୟ ସଂସଦ ସଭାପତି ରାମଚନ୍ଦ୍ର ସାହୁ , ସମାଜସେବୀ ମୁକୁନ୍ଦ ଚନ୍ଦ୍ର ବରାଡ ପ୍ରମୁଖ ମଞ୍ଚାସୀନ ରହିଥିଲେ । ଏହି ପରିପ୍ରେକ୍ଷୀରେ ସାଂପ୍ରତିକ ସ୍ଥିତି ଓ ଗଣମାଧ୍ୟମ ଭୂମିକା ଶୀର୍ଷକ ଆଲୋଚନା ଚକ୍ର ବିଷୟରେ ଆଲୋକପାତ କରାଯାଇଥିଲା । ସାମ୍ବାଦିକ ସତ୍ୟନାରାୟଣ ପାଢ଼ୀ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ କାଳୁ ଚରଣ ନାହାକ ଧନ୍ୟବାଦ ଅର୍ପଣ କରିଥିଲେ । ଏଥିସହ ଆୟୋଜିତ କାର୍ଯ୍ୟକ୍ରମରେ ଆଗାମୀ ବର୍ଷ ନିମନ୍ତେ ନୂତନ କମିଟି ଗଠନ କରାଯାଇଥିବା ସହ ସଭାପତି ରୂପେ ପୂର୍ବଭଳି ବିନାୟକ ଦାଶଙ୍କୁ ମନୋନୀତ କରାଯାଇଥିଲା । ସେହିପରି ସମ୍ପାଦକ ଭାବେ ସତ୍ୟନାରାୟଣ ପାଢ଼ୀ , କୋଷାଧ୍ୟକ୍ଷ ଭାବେ କାଳୁଚରଣ ନାହକଙ୍କୁ ସର୍ବସମ୍ମତ କ୍ରମେ ଚୟନ କରାଯାଇଥିଲା । ଏହି କାର୍ଯ୍ୟକ୍ରମରେ କ୍ଳବ ସଦସ୍ୟ କେ. ନାଗେଶୁ ରେଡ୍ଡୀ , ଜଗନାଥ ପାଣିଗ୍ରାହୀ , ପ୍ରଫୁଲ୍ଲ ସାବତ , ବାରାନିଧି ପାତ୍ର , ଅଶୋକ କୁମାର ସାହୁ , ଦ୍ବାରିକା ନାଥ ତ୍ରିପାଠୀ , ଶଙ୍କର ସ୍ୱାଇଁ , ବିଜୟ କୁମାର ପ୍ରଧାନ ପ୍ରମୁଖ ଉପସ୍ଥିତ ରହି ପରିଚାଳନା କରିଥିଲେ l