Kiran Behera
କେନ୍ଦ୍ର ସରକାରଙ୍କ ବିବାଦୀୟ ୩ କୃଷିଆଇନକୁ ପ୍ରତ୍ୟାହାର ଦାବି ନେଇ ସର୍ବଭାରତୀୟ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଚାଲିଥିବା ଆନ୍ଦୋଳନର ୧ ବର୍ଷ ପୂର୍ତ୍ତି ଅବସରରେ ଶୁକ୍ରବାର ଦିଗପହଣ୍ଡି ବଜାର ଗାନ୍ଧୀ ଛକ ଠାରେ କଂଗ୍ରେସ - ସିପିଆଇ - ସିପିଆଇ(ଏମ୍) ପକ୍ଷରୁ ଜନସଭା ଅନୁଷ୍ଠିତ ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ଵାଧୀନ ଉକ୍ତ ବିବାଦୀୟ ୩ କୃଷି ଆଇନକୁ ପ୍ରତ୍ୟାହାର କରିବା , ନିର୍ମମ ଜନବିରୋଧୀ କୃଷି ନୀତି ଓ କର୍ପୋରେଟ ପ୍ରୀତି ବନ୍ଦ କରିବା , ତ୍ରୁଟିପୂର୍ଣ୍ଣ ଅର୍ଥନୀତି ଓ ରାଷ୍ଟ୍ରାୟତ ଶିଳ୍ପ କାରଖାନାର ଘରୋଇକରଣ ଆଇନକୁ ତୁରନ୍ତ ବାତିଲ କରିବା ପାଇଁ ଦାବି କରିବା ସହ ପେଟ୍ରୋଲ , ଡିଜେଲ , ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ସମେତ ଖାଦ୍ୟ ପଦାର୍ଥର ଅହେତୁକ ଦରବୃଦ୍ଧି ରୋକିବାରେ କେନ୍ଦ୍ରସରକାର ବିଫଳ ହୋଇଥିବା ନେଇ ଦଳୀୟ ନେତୃବୃନ୍ଦ ବକ୍ତବ୍ୟ ରଖିଥିଲେ । ସିପିଆଇ(ଏମ୍) ଗଞ୍ଜାମ ଜିଲ୍ଲା କମିଟି କାର୍ଯ୍ୟକର୍ତ୍ତା ଅଶ୍ଵିନୀ କୁମାର ଦାସଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ସିପିଆଇ ଗଞ୍ଜାମ ଜିଲା ସହ ସମ୍ପାଦକ ଅଳକ ନାଥ ମିଶ୍ର , ଦିଗପହଣ୍ଡି ଶାଖା ସମ୍ପାଦକ ତପନ କୁମାର ମିଶ୍ର , ଗଞ୍ଜାମ ଜିଲା କଂଗ୍ରେସ କମିଟି ପକ୍ଷରୁ ପ୍ରଫୁଲ ପଣ୍ଡା , ଜିଲ୍ଲା ମହିଳା କଂଗ୍ରେସ ସଭାନେତ୍ରୀ ବନଜା ପଣ୍ଡା , ସମ୍ପାଦକ କେ.କୁନା , ଏମ୍ .ବାଇନାଥ , କେଶବ ରାଓ , ଡମ୍ବୁରୁଧର ବେହେରା , ୱାଇ.ରବି କୁମାର , ସିପିଆଇ (ଏମ୍) ଆଞ୍ଚଳିକ କମିଟି ସମ୍ପାଦକ କୁରେଶୁ ପଣ୍ଡା , କାର୍ଯ୍ୟକର୍ତ୍ତା ଭି. ସୁଦର୍ଶନ ରାଜୁ , ପି. ଶିବ ଶଙ୍କର , ବିଶ୍ଵନାଥ ମହାରଣା , ଆଲୁ . କୁରେଶୁଙ୍କ ସମେତ ବହୁ ଦଳୀୟ କାର୍ଯ୍ୟକର୍ତ୍ତା ସଭାରେ ଉପସ୍ଥିତ ଥିଲେ ।
