ବ୍ରହ୍ମପୁର ଉପକଣ୍ଠ ମାଣ୍ଡିଆପଲ୍ଲି ଗ୍ରାମର ଜନୈକ ମହିଳାଙ୍କ ଠାରୁ ଫୋନ କଲ ଜରିଆରେ ଏକ ଲକ୍ଷ ଦଶ ହଜାର ଟଙ୍କା ଠକେଇ କରିନେଇଥିଲେ ଦୁର୍ବୁତ୍ତ । ଏହାକୁ ନେଇ ମହିଳା ଜଣଙ୍କ ଛତ୍ରପୁର ଥାନାରେ ଗତ ଡିସେମ୍ବର ମାସ୨୫ ତାରିଖରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଗୁରୁତ୍ୱର ଭାବେ ନେବା ସହ ଛତ୍ରପୁର ପୋଲିସର ସ୍ୱତନ୍ତ୍ର ଟିମ ସାଇବର ପୋଲିସ ସହାୟତାରେ ଏହାର ତଦନ୍ତ ଆରମ୍ଭ କରିଥିଲେ । ଆଜି ଏହି କେସରେ ସମ୍ପୃକ୍ତ ଥିବା ଦୁଇ ଅବିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ଛତ୍ରପୁର ପୋଲିସ । ମହିଳାଙ୍କୁ ଫୋନରେ ଟ୍ରାପ କରି ଟଙ୍କା ହଡପ କରିଥିବା ରାମ ପାଙ୍ଗୀକୁ କୋରାପୁଟ ଜିଲ୍ଲା ସେମିଳିଗୁଡାରୁ ଗିରଫ କରିଥିଲା ପୋଲିସ । ଏହା ସହ ଏହି କେଶରେ ସମ୍ପୃକ୍ତ ଥିବା ଅନ୍ୟତମ ଅଭିଯୁକ୍ତ ଭବାନୀ ସିଦ୍ଧାର୍ଥ ଶଙ୍କରଙ୍କୁ ବ୍ରହ୍ମପୁର ବସ ଷ୍ଟାଣ୍ଡରୁ ଗିରଫ କରିଥିଲା ପୋଲିସ । ଏହା ସହ ସେମାନଙ୍କ ନିକଟରୁ ଏକ ଲକ୍ଷ ସାତ ହଜାର ଟଙ୍କା ସହ ତିନୋଟି ମୋବାଇଲ ଫୋନ, ବ୍ୟାଙ୍କ ଖାତା ଓ ଆଧାର କାର୍ଡ ସମେତ ଠକେଇରେ ବ୍ୟବହୃତ ସାମଗ୍ରୀକୁ ଜବତ କରିଛି ଛତ୍ରପୁର ପୋଲିସ । ଗିରଫ ଅଭିଯୁକ୍ତମାନଙ୍କ ନାମରେ ରାଜ୍ୟର ବିଭିନ୍ନ ଥାନରେ ଅନେକ କେଶ ରହିଥିବା ବେଳେ ଆଜି ଉଭୟଙ୍କୁ କୋର୍ଟ ଚାଳାଣ କରାଯାଇଥିବା ସୂଚନା ଦେଇଛନ୍ତି ଥାନାଧିକାରୀ ସତ୍ୟ ନାରାୟଣ ପ୍ରଧାନ ।