ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା କରପଡା ଗ୍ରାମରେ ପ୍ରେମ ବ୍ଯାପାରକୁ କେନ୍ଦ୍ର କରି ଜଣେ ଯୁବକଙ୍କୁ ଛୁରାମାଡ ହୋଇଥିବା ଜଣାପଡିଛି । ତେବେ ପୁଅର ଭଲ ପାଇବାକୁ ବିରୋଧ କରି ଖୋଦ ପରିବାରର ସଦସ୍ୟ ମାନେ ଏଭଳି ଆକ୍ରମଣ କରିଥିବା ଜଣାପଡିଛି । ସୂଚନା ପ୍ରକାରେ କରପଡା ଗ୍ରାମର ରିତେଶ ପ୍ରଧାନ ନିକଟସ୍ଥ ପଞ୍ଚାୟତର ଜଣେ ଯୁବତୀଙ୍କୁ ଭଲ ପାଇ ଆସିବା ସହ ତାଙ୍କୁ ବିବାହ କରିବା ପାଇଁ ନିଷ୍ପତ୍ତି ନେଇଛନ୍ତି । ପୁଅର ଏଭଳି ନିଷ୍ପତ୍ତିକୁ ସହଜରେ ଗ୍ରହଣ କରି ନପାରି ପରିବାର ଲୋକେ ବାରମ୍ବାର ତାଙ୍କ ଉପରେ ଆକ୍ରମଣ କରୁଥିବା ରିତେଶ ପୋଲିସ ନିକଟରେ ଅଭିଯୋଗ କରିଛନ୍ତି । ଏପରିକି ରବିବାର ରାତିରେ ତାଙ୍କ ଜ୍ବାଇଁ ଛୁରାମାଡ କରିବା ପରେ ଅନ୍ୟ ସଦସ୍ୟ ମାନେ ମଧ୍ୟ ଆକ୍ରମଣ କରି ତାଙ୍କୁ ଲହୁଲୁହାଣ କରିଥିବା ସେ ତାଙ୍କ ଏତଲାରେ ଉଲ୍ଲେଖ କରିଛନ୍ତି। ବମକୋଇ ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରରେ ଚିକିତ୍ସିତ ପରେ ରିତେଶ ସୋମବାର ଦିଗପହଣ୍ଡି ଥାନାରେ ପହଞ୍ଚି ଏତଲା ଦେଇଥିବା ବେଳେ ଥାନା ମାମଲା ନଂ. ୮୮/୨୨ ଅନୁଯାୟୀ ମକଦ୍ଦମା ରୁଜୁ କରାଯାଇ ତଦନ୍ତ ଚାଲିଥିବା ଆଇଆଇସି ବସନ୍ତ କୁମାର ସେଠୀ ଜଣାଇଛନ୍ତି ।