Kiran Behera
ରବିବାର ଦ୍ବିତୀୟ ପର୍ଯ୍ୟାୟ ଭୋଟ ଗଣତି ପ୍ରକ୍ରିୟା ରହିଥିବା ବେଳେ ଦିଗପହଣ୍ଡି ବ୍ଳକର ୨୬ ନଂ ଜୋନ ଜିଲ୍ଲା ପରିଷଦ ବିଜେଡି ପ୍ରାର୍ଥୀ ବିପିନ ଚନ୍ଦ୍ର ପ୍ରଧାନ ୩୧୧୪ ଭୋଟରେ ବିଜୟୀ ହୋଇଥିବା ଜଣାପଡିଛି । ଖବରନୁଯାୟୀ , ପୂର୍ବରୁ ୩ ଥର ବ୍ଳକ ଅଧ୍ୟକ୍ଷ ଓ ଦୁଇଥର ଉପାଧ୍ୟକ୍ଷ ଭାବେ ବ୍ଳକର ଦାୟିତ୍ବରେ ରହିଥିବା ବେଳେ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଏହି ଜୋନ ପାଇଁ ଜିଲ୍ଲା ପରିଷଦ ଆସନ ନିମନ୍ତେ ନିର୍ବାଚନ ପ୍ରତିଦ୍ବନ୍ଦ୍ବିତା କରୁଥିଲେ । ତେବେ ଆଜି ସକାଳୁ ଭୋଟ ଗଣତି ପ୍ରକ୍ରିୟା ଆରମ୍ଭ ପରେ ବିଭିନ୍ନ ଦଳର ସମର୍ଥକ ପ୍ରାର୍ଥୀ ମାନେ ଫଳାଫଳକୁ ଅପେକ୍ଷା କରିଥିଲେ ମଧ୍ୟ ବିଳମ୍ବିତ ରାତିରେ ଫଳାଫଳ ପ୍ରକାଶ ପାଇଥିଲା । ଖବରନୁଯାୟୀ , ଏହି ବ୍ଲକ ଚାରୋଟି ଜୋନର ୨୫ ଗୋଟି ପଞ୍ଚାୟତକୁ ନେଇ ପ୍ରଥମ ପର୍ଯ୍ୟାୟରେ ମତଦାନ ହୋଇଥିଲା । ଆଜି ୨୬ ନଂ ଜୋନ ବମକୋଇ , ଗୈାଡଗାଁ , ଗଡଗୋବିନ୍ଦପୁର , ଜକର , ବିଜୟଲକ୍ଷ୍ମୀ ନାରାୟଣ ପୁର , ଭ୍ରମରପୁର , ଚୌଧୁରୀ. ଟିକରପଡା ପଞ୍ଚାୟତକୁ ନେଇ ଗଠିତ ହୋଇଥିବା ବେଳେ ଏଥିରେ ବିଜେଡି , ବିଜେପି , କଂଗ୍ରେସ , ସ୍ବାଧିନ , ଆପ୍ ମଧ୍ୟରେ ଟକ୍କର ହୋଇଥିଲା । ତେବେ ଫଳାଫଳ ଶେଷରେ ବିଜେଡି ଜିଲ୍ଲା ପରିଷଦ ପ୍ରାର୍ଥୀ ବିପିନ ପ୍ରଧାନ ନିକଟତମ ପ୍ରତିଦ୍ବନ୍ଦୀ ବିଜେପି ଦଳର ବାପି ପ୍ରଧାନଙ୍କୁ ୩୧୧୪ ଭୋଟରେ ପରାସ୍ତ କରି ବିଜୟର ମୁକୁଟ ପିନ୍ଧିଛନ୍ତି । ବିପିନ ସର୍ବାଧିକ ୧୦୧୬୮ ଭୋଟ ପାଇଥିବା ବେଳେ ବାପି ୭୦୫୪ , ଅନନ୍ତ ( ସ୍ବାଧିନ) ୧୩୨୯ , ସିମାଞ୍ଚଳ (କଂଗ୍ରେସ) ୭୦୪ , ରାଧାକୃଷ୍ଣ (ଆପ୍) ୧୮୧ ଭୋଟ ପାଇଥିବା ଜଣାପଡିଛି । ତେବେ ଦ୍ବିତୀୟ ପର୍ଯ୍ୟାୟରେ ଏହି ଜୋନର ଗଣତି କାର୍ଯ୍ୟ ଶାନ୍ତି ଶୃଙ୍ଖଳାରେ ସମାପନ ହୋଇଥିବା ବେଳେ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବନ୍ଦୋବସ୍ତ କରାଯାଇଥିଲା । ତେବେ ଜିଲ୍ଲା ପରିଷଦ ପ୍ରାର୍ଥୀ ବିପିନଙ୍କ ବିଜୟ ପରେ ବିଜେଡି ସମର୍ଥକଙ୍କ ମହଲରେ ଉତ୍ସାହ ଦେଖିବାକୁ ମିଳିଛି ।
