Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ଗଡଗୋବିନ୍ଦପୁର ପଞ୍ଚାୟତର କଳିଙ୍ଗ ଦଳା କଲ୍ୟାଣ ମଣ୍ଡପ ପରିସରରେ ରବିବାର ଦିନ ପଞ୍ଚାୟତ ସ୍ତରୀୟ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପଞ୍ଚାୟତରେ ରକ୍ତ ଅଭାବକୁ ଦୂରୀକରଣ କରିବା ସକାଶେ ଓଡ଼ିଶା ମୋ ପରିବାର ଓ ଜୀବନବିନ୍ଦୁ ଆନୁକୂଲ୍ୟରେ କଳିଙ୍ଗ ଦଳା ଯୁବ ସଂଗଠନ ପକ୍ଷରୁ ଆୟୋଜିତ ଶିବିରରେ ମୁଖ୍ୟ ଅତିଥିଭାବେ ଗଡଗୋବିନ୍ଦପୁର ପଞ୍ଚାୟତର ନବ ନିର୍ବାଚିତ ସରପଞ୍ଚ ରଞ୍ଜନ କୁମାର ସାହୁ ମୁଖ୍ୟ ଅତିଥିଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏଥିସହ ନିଜେ ରକ୍ତଦାନ କରି ଅନ୍ୟ ରକ୍ତଦାତାଙ୍କୁ ରକ୍ତଦାନ କରିବା ପାଇଁ ଉତ୍ସାହିତ କରିଥିଲେ । ସେହିପରି ଅବସରପ୍ରାପ୍ତ ଜଳସେଚନ ବିଭାଗ ନିର୍ବାହୀ ଯନ୍ତ୍ରୀ ବି. ଶଙ୍କର ନାରାୟଣ ସୁବୁଦ୍ଧି , ଜିଲ୍ଲା ଯୁବ ବିଜେଡ଼ି ସଭାପତି ଏମ୍ . ନିରଞ୍ଜନ ରେଡ୍ଡୀ , ନବ ନିର୍ବାଚିତ ସମିତି ସଭ୍ୟ ଏ. ସୁଦାମ ରେଡ୍ଡୀ , ମନୋଜ ସାହୁ , ପ୍ରତାପ ସାହୁ , କେ .ସମ୍ପଦ ପ୍ରମୁଖ ସମ୍ମାନିତ ଅତିଥି ରୂପେ ମଞ୍ଚାସୀନ ରହି ରକ୍ତଦାନର ମହତ୍ତ୍ଵ ସମ୍ପର୍କରେ ଲୋକମାନଙ୍କୁ ବୁଝାଇଥିଲେ । ଏଥିସହ କାର୍ଯ୍ୟକ୍ରମରେ କେ . ନୂଆଗାଁ ଥାନା ଅଧିକାରୀ ମୃତ୍ୟୁଞ୍ଜୟ ସ୍ବାଇଁ ଯୋଗଦେଇ ରକ୍ତଦାନ ଶିବିରର ମହଲକୁ ଅଧିକ ଆକର୍ଷଣ କରିଥିଲେ । ଶେଷରେ ଶିକ୍ଷାବିତ ବିଜୟ କୁମାର ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ଏଥିରେ ବ୍ରହ୍ମପୁର ରକ୍ତଭଣ୍ଡାରର କର୍ମଚାରୀଙ୍କ ସହାୟତାରେ ୧୧୧ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏହି ଶିବିରରେ ବହୁ ଅଙ୍ଗନୱାଡ଼ି ମହିଳା କର୍ମୀ ସମେତ ଶିକ୍ଷାବିତ ରହି ରକ୍ତଦାନ କରିଥିବା ଜଣାପଡ଼ିଛି । ଶେଷରେ ଯୁବ ସଂଗଠନ ତରଫରୁ ନବ ନିର୍ବାଚିତ ସରପଞ୍ଚ ଓ ସମିତି ସଭ୍ୟଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏହି ପରିପ୍ରେକ୍ଷୀରେ ସରପଞ୍ଚ ଶ୍ରୀ ସାହୁ ଗ୍ରାମରେ ରହିଥିବା ମୌଳିକ ସମସ୍ୟା ଦୂରୀଭୂତ କରିବା ସହ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନା ଗରିବ ହିତାଧିକାରୀଙ୍କ ପାଖରେ ପହଞ୍ଚାଇବା ପାଇଁ ପ୍ରତିଶ୍ରୁତି ଦେଇଥିଲେ । ଏହି କାର୍ଯ୍ୟକ୍ରମରେ ସଂଗଠନର ବଳରାମ ପ୍ରଧାନ , କିଶୋର ପ୍ରଧାନ , ସୁଶାନ୍ତ ପ୍ରଧାନ , କେଶବ ବେହେରା , ରାଧାକୃଷ୍ଣ ପାଣିଗ୍ରାହୀ , ଶିବରାମ ପାଣିଗ୍ରାହୀ ସମେତ ବହୁ ଯୁବ ଗୋଷ୍ଠୀ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ ।
