ଗଞ୍ଜାମ ଜିଲ୍ଲା ପାଟପୁର ଥାନା ପୋଲିସ ସୋମବାର ଦିନ ବିଭିନ୍ନ ଅଞ୍ଚଳରୁ ମୋବାଇଲ ଚୋରି ମାମଲାରେ ପୁଣିଥରେ ଜଣେ ପେଶାଦାର ଅପରାଧୀଙ୍କୁ ଗିରଫ କରିବାରେ ସଫଳ ହୋଇପାରିଛି । ଅପରାଧୀ ଜଣକ ସାନଖେମୁଣ୍ଡି ବ୍ଳକ ସାହସପୁର ଗ୍ରାମରୁ ଏ. ଆପେୟା ପାତ୍ରଙ୍କ ପୁଅ ଏ .ଗଣେଶ ପାତ୍ରଙ୍କୁ ପୋଲିସ ଗିରଫ କରିବା ସହ ଅଭିଯୁୁୁକ୍ତ ନିକଟରୁ ୬ ଗୋଟି ଦାମୀ ମୋବାଇଲ ଜବତ କରିଥିବା ଆୟୋଜିତ ସାମ୍ବାଦିକ ସମ୍ମିଳନୀରେ ଆସିକା ଏସଡିପିଓ ଉମାଶଙ୍କର ସିଂ ସୂଚନା ଦେଇଛନ୍ତି । ଖବରନୁଯାୟୀ , ଏପ୍ରିଲ ୪ ତାରିଖରେ ପାଟପୁର ଥାନା ଜିଉରା ଗ୍ରାମର ସିମାଞ୍ଚଳ ସାହୁଙ୍କ ମୋବାଇଲ ଚୋରି ହୋଇଥିବା ବେଳେ ୨୧ ତାରିଖରେ ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ପୋଲିସ ମାମଲା ରୁଜୁ କରି ତଦନ୍ତ ଚଳାଇଥିଲେ ମଧ୍ୟ ପୂର୍ବରୁ ଏହି ମୋବାଇଲ ଚୋରି ମାମଲାରେ ଜଡିତ ଗଣେଶଙ୍କ ଉପରେ ନଜର ରଖିଥିଲା । ତେବେ ଗତକାଲି ଏକ ବିଶେଷ ସୂତ୍ରରୁ ଖବର ପାଇ ପୋଲିସ ଅଭିଯୁକ୍ତଙ୍କୁ ନିଜ ଗ୍ରାମ ସାହସପୁରରୁ ଉଠାଇ ଆଣି ଜେରା କରିବା ପରେ ବିଭିନ୍ନ ସମୟରେ ବହୁ ମୋବାଇଲ ଚୋରି କରି ବିକ୍ରୟ ନିମନ୍ତେ ରଖିଥିବା ପୋଲିସ ନିକଟରେ ପ୍ରକାଶ କରିଥିଲା । ଏନେଇ ସ୍ଥାନୀୟ ଥାନା ଅଧିକାରୀ ସବ୍ୟସାଚୀ ମଲ୍ଲ ଅଭିଯୁକ୍ତଙ୍କ ସମସ୍ତ ଆଧାରକୁ ବୟାନ କରି ଥାନା ମାମଲା ନଂ ୧୨୫ / ୨୨ ପ୍ରକାରେ ମକଦ୍ଦମା ରୁଜୁ କରି କୋର୍ଟ ଚାଲାଣ କରିଥିଲା । ତେବେ ସେଠାରେ ଜାମିନ ଆବେଦନ ଖାରଜ ହେବାରୁ ଜେଲ ହାଜତକୁ ପଠାଇ ଦିଆଯାଇଥିବା ଜଣାପଡିଛି । ତେବେ ଅଭିଯୁକ୍ତ ଗଣେଶଙ୍କ ନାମରେ ଥାନାରେ ବହୁ ମାମଲା ରହିଥିବା ବେଳେ ଗତ ୨୦୨୧ ସେପ୍ଟେମ୍ବର ୨୦ ତାରିଖରେ ପୋଲିସ ୧୯ ଗୋଟି ସ୍ମାର୍ଟ ଫୋନ ଓ ୪ ଗୋଟି ଗାଡ଼ି ବ୍ୟାଟେରୀ ଚୋରି ମାମଲାରେ ଗିରଫ କରି ଥାନା ମାମଲା ୩୦୦/୨୧ ପ୍ରକାରେ କୋର୍ଟ ଚାଲାଣ କରିଥିଲା । ଏହାପରେ ପୋଲିସ ଚୋରି ହୋଇଥିବା ମୋବାଇଲ ଗୁଡ଼ିକୁ ନିଜର ମୋବାଇଲ ସମ୍ବନ୍ଧୀୟ କାଗଜପତ୍ର ଦେଖିବାପରେ ମୋବାଇଲ ଥାନା ଅଧିକାରୀ ଶ୍ରୀ ମଲ୍ଲଙ୍କ ଉପସ୍ଥିତିରେ ଫେରସ୍ତ ଦିଆଯାଇଥିଲା ।
ଓଡ଼ିଆ ଯବାନଙ୍କ ହୃଦଘାତରେ ମୃତ୍ୟୁ : ଶ୍ରଦ୍ଧାଞ୍ଜଳୀ ଦେଲେ ଗୋଳାବନ୍ଧ ସାମରୀକ ବିଭାଗ
ଦୁଇ ବିଜେଡି ନେତାଙ୍କୁ ହତ୍ୟା ପରେ ପରିବାରକୁ ଭେଟିବା ସହ ଅନୁଧ୍ୟାନ କରିଛନ୍ତି ଆରକ୍ଷୀ ଅଧିକ୍ଷକ
ଆମ ଆଣ୍ଡ୍ରଏଡ୍ ଆପ୍:
କ୍ଲାସିଫାଏଡ଼୍ସ
ବିଜ୍ଞାପନ
ଆପଣଙ୍କ ମତାମତ
ପ୍ରତିନିଧି ଲଗ୍ ଇନ୍ :
ଦର୍ଶକ ପରିସଂଖ୍ୟାନ :
>
ସଂପର୍କ କରନ୍ତୁ :