ଗଞ୍ଜାମ ଜିଲ୍ଲା ପାଟପୁର ଥାନା ଜିଉରା ପଞ୍ଚାୟତ ସମ୍ପଦା ରଘୁନାଥପୁର ଗ୍ରାମର ମୋହନ ପାଣିଗ୍ରାହୀଙ୍କ ଭିନ୍ନକ୍ଷମ ପୁଅ ଜିତୁ ପାଣିଗ୍ରାହୀ (୨୦) ଙ୍କ ଦୀର୍ଘ ୧୦ ଦିନ ନିଖୋଜ ରହିଥିବା ବେଳେ ପରିବାର ଲୋକେ ଚିନ୍ତାରେ ରହୁଥିବା ଜଣାପଡିଛି । ଖବରନୁଯାୟୀ , ଗତ ଅପ୍ରେଲ ୨୬ ତାରିଖରୁ ଜିତୁ ନିଜ ମାଆ ଉପରେ ରାଗି ତିନି ଚକିଆ ଦିବ୍ୟାଙ୍ଗ ସାଇକେଲରେ କେଉଁ ଆଡେ ଚାଲିଯାଇଥିବା ଜଣାଯାଇଛି। ପରିବାର ପକ୍ଷରୁ ନିଜ ବନ୍ଧୁବର୍ଗଙ୍କ ପରିବାର ସହ ଯୋଗାଯୋଗ କରି ୧୦ ଦିନ ଧରି ଖୋଜାଖୋଜି କରୁଥିବା ବେଳେ ଜିତୁର ପତ୍ତା ମିଳୁନଥିବା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ବାପାଙ୍କ ପକ୍ଷରୁ ପାଟପୁର ଥାନାରେ ଏଥିନେଇ ଷ୍ଟେସନ ଡାଏରୀ କରାଯାଇ ଅନୁସନ୍ଧାନ କରାଯାଉଥିବା ସୂଚନା ରହିଅଛି । ଅନ୍ୟ କୌଣସି ଅଘଟଣର ଭୟରେ ପରିବାର ମନରେ ଆଶଙ୍କା ସୃଷ୍ଟି କରିଅଛି । କୌଣସି ବ୍ୟକ୍ତି ଏହି ଯୁବକ ଜିତୁ ପାଣିଗ୍ରାହୀଙ୍କ ସନ୍ଧାନ ପାଇଲେ ସ୍ଥାନୀୟ ଥାନା କିମ୍ବା ପରିବାରର ସମ୍ପର୍କ ନମ୍ବର ୭୮୯୪୫୮୫୧୮୯ ରେ ସୂଚନା ଦେବାକୁ ମ୍ରିୟମାଣ ପରିବାରବର୍ଗଙ୍କ ପକ୍ଷରୁ ଅନୁରୋଧ କରାଯାଇଛି ।