Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ କୁଶପଡା ପଞ୍ଚାୟତ କାର୍ଯ୍ୟାଳୟ ପରିସରରେ ଶୁକ୍ରବାର ଦିନ ପଞ୍ଚାୟତରେ ଶତ ପ୍ରତିଶତ ଟିକାକରଣ ସମ୍ପର୍କିତ ସଚେତନତା ସଭା ଅନୁଷ୍ଠିତ ହୋଇଯାଇଛି । ସ୍ବେଚ୍ଛାସେବୀ ଅନୁଷ୍ଠାନ " ଶିଶୁ ସୁରକ୍ଷା " ପକ୍ଷରୁ ଆୟୋଜିତ ଏହି ଶିବିରରେ କୋଭିଡ଼ ଟୀକାକରଣ ଦିଗରେ ରହିଥିବା ବିଭିନ୍ନ ସମସ୍ୟା ଉପରେ ଆଲୋଚନା କରାଯିବା ସହ କୁଶପଡା ପଞ୍ଚାୟତର ବାର ବର୍ଷରୁ ଉର୍ଦ୍ଧ ସମସ୍ତ ହିତାଧିକାରୀଙ୍କୁ ଶତ ପ୍ରତିଶତ ଟୀକାକରଣ କରିବା ପାଇଁ ପରାମର୍ଶ ଦିଆଯାଇଥିଲା । ସ୍ଥାନୀୟ ସରପଞ୍ଚ ବନିତା ସେଠୀଙ୍କ ଅଧ୍ୟକ୍ଷତାରେ ଶିଶୁ ସୁରକ୍ଷା କ୍ଷେତ୍ର ସଂଯୋଜକ ଦୟାନିଧି ଜଗତ ପରିଚାଳନା କରିଥିଲେ । ଏହି ଶିବିରରେ ଅନ୍ୟମାନଙ୍କ ମଧ୍ୟରେ ସରପଞ୍ଚ ପ୍ରତିନିଧି ପ୍ରଦୀପ କୁମାର ସେଠୀ , ନାଏବ ସରପଞ୍ଚ ଇ . ରାମହରି ଦୋରା ସମେତ ୱାର୍ଡ ସଭ୍ୟ ସଭ୍ୟା , ଆଶାକର୍ମୀ ଓ ଗ୍ରାମବାସୀ ପ୍ରମୁଖ ଉପସ୍ଥିତ ରହି ନିଜେ ସଚେତନ ରହିବା ସହିତ ଅନ୍ୟମାନଙ୍କୁ କିଭଳି ସଚେତନ କରାଇବେ ସେହି ବିଷୟରେ ଆଲୋଚନା କରି ଶିଶୁ ମାନଙ୍କୁ ସୁରକ୍ଷା ଦିଗରେ ଯତ୍ନବାନ ଦେବାକୁ ଆହ୍ୱାନ ଦେଇଛନ୍ତି । ଏଥିସହ ଅନୁଷ୍ଠାନର ଅକ୍ଷୟ କୁମାର ପଟ୍ଟନାୟକ ସହଯୋଗ କରିଥିବା ବେଳେ କମ୍ୟୁନିଟି ମୋବିଲାଇଜର ବେଶୀ ବିଜୟ ଧନ୍ୟବାଦ ଅର୍ପଣ କରିଥିଲେ ।
