ପ୍ରଥମ ପର୍ଯ୍ୟାୟ ସାଧାରଣ ନିର୍ବାଚନ ପୂର୍ବରୁ ବିଜେପି ନେତା ଙ୍କ କାର ରେ ଟଙ୍କା ବୋହି ନେଉଥିବା ସମୟରେ ଗଞ୍ଜାମ ଜିଲ୍ଲାର ଦିଗପହଣ୍ଡି ଅଞ୍ଚଳରେ ଧରାପଡିଛି । ଦିଗପହଣ୍ଡି ଥାନା ଅନ୍ତର୍ଗତ ପୁଞ୍ଜିକଆଁ ଛକ ନିକଟରେ ସ୍ଥାନୀୟ ତହସିଲଦାର ଙ୍କ ଉପସ୍ଥିତିରେ ଚାଲିଥିବା ଗାଡି ତନଖି ସମୟରେ ମିଳିଛି ୫ ଲକ୍ଷ ୩୬ହଜାର ଟଙ୍କା ।
ଘଟଣାରେ ବିଜେପି ଦଳର ଗଜପତି ଜିଲ୍ଲା ପ୍ରଭାରୀ ପ୍ରଭାରୀ ପବିତ୍ର ମୋହନ ଦାଶ ଙ୍କ ସମେତ କୁଞ୍ଜ ବିହାରି ପରିଡା , ବିଶ୍ୱମୋହନ ଦାଶ ଙ୍କୁ ଅଟକ ରଖାଯାଇଛି । ବ୍ରହ୍ମପୁର ସହରରୁ ମୋହନା ଅଞ୍ଚଳକୁ ଇନୋଭା କାର ନଂ - ଓ.ଆର୍.୦୨ ବିସି ୮୮୯୯ ଯୋଗେ ଏହି ଟଙ୍କା କୁ ବିଜେପି ଦଳୀୟ ବ୍ୟକ୍ତି ବିଶେଷ ମାନେ ନେଇ ଯାଉଥିବା ବେଳେ ନିର୍ବାଚନ ପୂର୍ବରୁ କାରରୁ ଜବତ ହେଇଛି ଏତେ ପରିମାଣର ଟଙ୍କା । ଏହି ଟଙ୍କା କେଉଁଠାରୁ ଆସିଲା ଏବଂ କାହାରି ପାଖକୁ ଯାଉଥିଲା ତାହକୁ ତଦନ୍ତ କରାଯାଉଛି ।