Kiran Behera
ଦିଗପହଣ୍ଡି ବ୍ଳକ ଜକର ସେବା ସମବାୟ ସମିତିର ନୂତନ ସଭାପତି ରୂପେ ଗୁରୁବାର ଦିନ ରାମେଶ୍ବର ପାଣିଗ୍ରାହୀ ନିର୍ଦ୍ବନ୍ଦ୍ବରେ ବିଜୟୀ ହୋଇଥିବା ଜଣାପଡିଛି । ଖବରନୁଯାୟୀ , ସମବାୟ ସମିତିର ନିର୍ବାଚନ ପାଇଁ ପଞ୍ଚାୟତର ୧୫ ଗୋଟି ଜୋନରୁ ୧୫ ଜଣ ଡ଼ାଇରେକ୍ଟର ୩୦ ତାରିଖରେ ସେମାନଙ୍କ ନାମାଙ୍କନ ପତ୍ର ଦାଖଲ କରିଥିବା ବେଳେ ସେମାନେ ଅପ୍ରତିଦ୍ଵନ୍ଦୀ ଭାବେ ପୂର୍ବରୁ ନିର୍ବାଚିତ ହୋଇଥିଲେ । ତେବେ ଆଜି ସଭାପତି ପଦବୀ ପାଇଁ ରାମେଶ୍ବର ଏକାକୀ ଭାବେ ନାମାଙ୍କନ ପତ୍ର ଦାଖଲ କରିଥିବା ବେଳେ ନିର୍ଦ୍ଧାରିତ ସମୟ ପର୍ଯ୍ୟନ୍ତ କୈାଣସି ପ୍ରତିଦ୍ବନ୍ଦୀ ନାମାଙ୍କନ ପତ୍ର ଦାଖଲ କରିନଥିଲେ । ଯାହାଫଳରେ ରାମେଶ୍ବର ନିର୍ଦ୍ବନ୍ଦ୍ବରେ ନିର୍ବାଚିତ ହେବାସହ ବିଜୟୀ ମୁକୁଟ ପିନ୍ଧିଥିବା ନିର୍ବାଚନ ଅଧିକାରୀ ପ୍ରଦୀପ କୁମାର ପଟ୍ଟନାୟକ ସୂଚନା ଦେଇଛନ୍ତି । ଏହାପରେ ସ୍ଥାନୀୟ ସରପଞ୍ଚ ପ୍ରତିନିଧି ପ୍ରଶାନ୍ତ କୁମାର ପ୍ରଧାନ , ସମିତି ସଭ୍ଯ ପ୍ରତିନିଧି ତ୍ରିପତୀ ପ୍ରଧାନ ସମେତ ସମସ୍ତ ଡାଇରେକ୍ଟର , ସଂପାଦକ ଦେବରାଜ ପ୍ରଧାନ କାର୍ଯ୍ୟାଳୟରେ ପହଞ୍ଚି ନବ ନିର୍ବାଚିତ ସଭାପତିଙ୍କୁ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧିତ କରିବା ସହ ଶୁଭେଚ୍ଛା ଜ୍ଞାପନ ଜଣାଇଥିଲେ । ଏହି ପରିପ୍ରେକ୍ଷୀରେ ନବ ନିର୍ବାଚିତ ସଭାପତି ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହ ସହଯୋଗ କାମନା କରିଥିଲେ ।
