ଗଞ୍ଜାମ ଜିଲ୍ଲାର ସାନଖେମୁଣ୍ଡି ବ୍ଳକ ମୌଳାଭଣଜା ସେବା ସମବାୟ ସମିତିର ସଭାପତି ପଦବୀ ନିର୍ବାଚନରେ ଶେଷରେ ତିନୋଟି ଭୋଟର ବିଜୟୀ ହୋଇଛନ୍ତି ନରସିଂହ ପାତ୍ର । ଶନିବାର ଦିନ ନରସିଂହ ପାତ୍ର ଓ ଗୋପୀନାଥ ଗୈାଡଙ୍କ ମଧ୍ୟରେ ଲଢେଇ ଦେଖିବାକୁ ମିଳିଥିଲା । ଶେଷରେ ନରସିଂହ ୩ ଗୋଟିଏ ଭୋଟରେ ବାଜିମାତ ମାରିଥିବା ଜଣାପଡିଛି । ପୂର୍ବରୁ ଏହି ସମବାୟ କେନ୍ଦ୍ର ପାଇଁ ୧୩ ଜଣ ନିର୍ଦ୍ଦେଶକ ମଧ୍ୟରେ ନିର୍ବାଚନ ଶେଷ ହୋଇଥିଲେ ମଧ୍ୟ ସଭାପତି ଦାୟିତ୍ୱ କାହା ଉପରେ ରହିବ ତାହାକୁ ନେଇ ଚାଷୀ ମାନଙ୍କ ମଧ୍ୟରେ ନଜର ରହିଥିଲା । ତେବେ ଆଜି ସଭାପତି ନିର୍ବାଚନ ପ୍ରକ୍ରିୟା ସକାଳୁ ସମୟରୁ ହୋଇଥିବା ବେଳେ ସଭାପତି ପଦବୀ ପାଇଁ ଉଭୟ ନରସିଂହ ଓ ଗୋପୀନାଥ ନାମାଙ୍କନ ପତ୍ର ଦାଖଲ କରିଥିଲେ । ଶେଷରେ ନରସିଂହ ୮ ଟି ଭୋଟ ପାଇଥିବା ବେଳେ ନିକଟତମ ପ୍ରତିଦ୍ୱନ୍ଦୀ ଗୋପୀନାଥ ୫ ଗୋଟି ଭୋଟ ପାଇଥିଲେ । ଯାହାଫଳରେ ନରସିଂହଙ୍କୁ ନୂତନ ସଭାପତି ଭାବେ ନିର୍ବାଚନ ଅଧିକାରୀ ପଦ୍ମଚରଣ ମଲିକ ବିଜୟୀ ଘୋଷଣା କରିଥିଲେ । ଏହି ଅବସରରେ ସମବାୟ ସମିତି ସଂପାଦକ ବିପିନ ଷଡଙ୍ଗୀ ସମେତ ନିର୍ଦ୍ଧେଶକ ଓ ଚାଷୀମାନେ ଉପସ୍ଥିତ ରହି ନବ ନିର୍ବାଚିତ ସଭାପତିଙ୍କୁ ଶୁଭେଚ୍ଛା ଜ୍ଞାପନ ଓ ସମ୍ବର୍ଦ୍ଧିତ ଜଣାଇଥିଲେ । ଶେଷରେ ବିଜୟୀ ମୁକୁଟ ଧାରଣା କରିଥିବା ସଭାପତି ସମବାୟ ମାଧ୍ୟମରେ କୃଷିର ଉନ୍ନତି ଓ କୃଷକର ସାମାଜିକ ଏବଂ ଅର୍ଥନୈତିକ ବିକାଶ ଲାଗି ରାଜ୍ୟ ସରକାର କାର୍ଯ୍ୟକାରୀ କରୁଥିବା କଲ୍ୟାଣକାରୀ ଯୋଜନାର ସୁଫଳ ଚାଷୀ ସମାଜ ନିକଟରେ ପହଞ୍ଚିବା ଦିଗରେ ଦୃଷ୍ଟି ଦେବାକୁ ନିଜ ପ୍ରତିକ୍ରିୟାରେ କହିବା ସହ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ।