Swadhina Kumar Sahu
ବ୍ରହ୍ମପୁର ସ୍ଥାନୀୟ ନିଳକଣ୍ଠେଶ୍ୱର ମନ୍ଦିର ପ୍ରାଗଣରେ ନଗର ହାଡିକୁଳ ମହାସଂଘର ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ସହରର ୨୨ଖଣ୍ଡ ହାଡି ସାହିର ପ୍ରତିନିଧି ଓ କର୍ମକର୍ତ୍ତା ଗଣ ଅଂଶ ଗ୍ରହଣ କରିଥିବା ବେଳେ ଆଗାମୀ ତିନି ବର୍ଷ ପାଇଁ ମହାସଂଘର ନୂତନ କର୍ମକର୍ତ୍ତା ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା । ମହାସଂଘର ଉପଦେଷ୍ଟା ଅନିଲ କୁମାର ନାୟକ ନିର୍ବାଚନ ଅଧିକାରୀ ଭାବେ ଦାୟିତ୍ୱ ତୁଲାଇଥିବା ବେଳେ ପୁନର୍ବାର ସୁକାନ୍ତ ମୁଖି ଙ୍କୁ ସଭାପତି, କାର୍ଯ୍ୟକାରୀ ସଭାପତି ଭାବେ ଦେବେନ୍ଦ୍ର ଘଡେଇ, ସାଧାରଣ ସମ୍ପାଦକ ଭାବେ ଚିନ୍ତାମଣି ନାୟକ ଙ୍କୁ କର୍ମକର୍ତ୍ତାମାନେ ଚୟନ କରିଥିଲେ । ଏହା ସହ ଆସନ୍ତା ଏକ ସପ୍ତାହ ମଧ୍ୟରେ ମହାସଙ୍ଗ ର ପୂର୍ଣ୍ଣାଙ୍ଗ କମିଟି ଗଠନ କରି ସଦସ୍ୟଙ୍କ ନାମ ଘୋଷଣା କରିବା ପାଇଁ ନିର୍ବାଚନ ଅଧିକାରୀ ନବ ନିର୍ବାଚିତ କର୍ମକର୍ତ୍ତାଙ୍କୁ ପରାମର୍ଶ ଦେଇଥିଲେ ।
