ଅବସରପ୍ରାପ୍ତ ଆଦର୍ଶ ଶିକ୍ଷକଙ୍କ ନରସିଂହ ପଣ୍ଡାଙ୍କ 84 ବର୍ଷ ବୟସରେ ବିୟୋଗ ଘଟିଛି । ସ୍ୱର୍ଗତ ପଣ୍ଡା ଗଞ୍ଜାମ ଜିଲ୍ଲାର ଚିକିଟି ମହତାବ ଏମ୍.ଇ.ସ୍କୁଲରେ ଦୀର୍ଘ 35 ବର୍ଷ ଧରି ପ୍ରଧାନଶିକ୍ଷକ ଭାବରେ କାର୍ଯ୍ୟ କରିଥିଲେ । ଜିଲ୍ଲାରେ ଶିକ୍ଷାର ଉନ୍ନତି ପାଇଁ ଅନେକ କାର୍ଯ୍ୟ କରିଥିବା ଯୋଗୁଁ ତାଙ୍କୁ 1992 ମସିହାରେ ରାଜ୍ୟସ୍ତରୀୟ ଶ୍ରେଷ୍ଠ ଶିକ୍ଷକ ଭାବରେ ପୁରସ୍କୃତ କରାଯାଇଥିବା ବେଳେ 1996 ମସିହାରେ ଜାତୀୟ ସ୍ତରୀୟ ପୁରସ୍କାର ପ୍ରଦାନ କରାଯାଇଥିଲା । ଅବସର ଗ୍ରହଣ ପରେ ସ୍ୱର୍ଗତ ନରସିଂହ ପଣ୍ଡା ବ୍ରହ୍ମପୁର ସହରରେ ରହି ଆସୁଥିବା ବେଳେ ସଦାସର୍ବଦା ବିଦ୍ୟାର୍ଥୀ ଏବଂ ବିଭିନ୍ନ ପୁସ୍ତକ ପ୍ରତି ତାଙ୍କର ରୁଚି ରହି ଆସିଥିଲା । ଇତି ମଧ୍ୟରେ ଅବସରପ୍ରାପ୍ତ ଆଦର୍ଶ ଶିକ୍ଷକଙ୍କ ବିୟୋଗ ଖବର ପ୍ରଚାରିତ ହେବା ପରେ ବିଭିନ୍ନ ମହଲରେ ଶୋକର ଛାୟା ଖେଲିଯାଇଛି । ମୃତ୍ୟୁ ବେଳକୁ ତାଙ୍କର ଧର୍ମପତ୍ନୀ , ପୁତ୍ରବଧୁ , ଚାରି ଝିଅ ଓ ଜ୍ୱୋଇଁ , ନାତି , ନାତୁଣି ଙ୍କ ସମେତ ବନ୍ଧୁ ଓ ପରିବାର ବର୍ଗ ଉପସ୍ଥିତ ରହିଥିଲେ ।