Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ପୁରୁଣା ମୌଳାଭଞ୍ଜା ଗ୍ରାମର ଶଙ୍କର ବେହେରା ନାମକ ଜଣେ ଯୁବକଙ୍କ ଘରୁ ଜେଟ୍ ମୋଟର ପମ୍ପ ମେସିନ ଚୋରି ମାମଲାରେ ପୋଲିସ ଯୁବକଙ୍କୁ ଗିରଫ କରିଥିବା ଜଣାପଡ଼ିଛି । ଗିରଫ ଯୁବକ ହେଲେ ଉମାକାନ୍ତ ବେହେରା । ଖବରନୁଯାୟୀ , ପୁରୁଣା ମୌଳାଭଞ୍ଜା ଗ୍ରାମର ଶଙ୍କର ବେହେରା ରବିବାର ଅପରାହ୍ନ ପ୍ରାୟ ୨ ଟାରେ ଘରେ ନଥିବା ସୁଯୋଗ ନେଇ ଅଭିଯୁକ୍ତ ଉମାକାନ୍ତ ତାଙ୍କ ଘର ବାରିପଟେ ଥିବା ଜେଟ ମୋଟର ପମ୍ପଟିକୁ ଚୋରି କରି ନେଇଯାଇଥିଲେ । ଶଙ୍କର ଘରକୁ ଫେରି ଦେଖିବା ବେଳେ ମୋଟର ପମ୍ପଟିକୁ କେହି ଚୋରି କରି ନେଇଯାଇଥିବା ଜାଣିବାକୁ ପାଇଥିଲେ । ସେ ଆଖପାଖ ଅଞ୍ଚଳରେ ଖୋଜା ଖୋଜି କରିବାରୁ ଉମାକାନ୍ତଙ୍କ ଘର ବାରି ପଟେ ଥିବା ଏକ ଘଞ୍ଚ ବୁଦା ମୂଳେ ମୋଟର ପମ୍ପଟି ଥିବା ଦେଖିଥିଲେ । ସନ୍ଦେହରେ ଉମାକାନ୍ତଙ୍କୁ ପଚାରିବାରୁ ସେ ଓ ତାଙ୍କ ମାଆ ତାଙ୍କୁ ଗାଳି ଗୁଲଜ କରିବା ସହ ଧମକ ଦେଇଥିଲେ । ମାମଲାର ସମାଧାନ ପାଇଁ ସେ ଗ୍ରାମ ଭଦ୍ରଲୋକଙ୍କୁ ଜଣାଇଥିଲେ । ଉମାକାନ୍ତ ଚୋରି ଘଟଣାକୁ ଅସ୍ବୀକାର କରିବା ସହ ଗ୍ରାମରୁ ଫେରାର ହୋଇଯିବା ପାଇଁ ଉଦ୍ୟମ କରିଥିଲେ । ଶଙ୍କର ଏବଂ କିଛି ଗ୍ରାମବାସୀ ଏନେଇ ଦିଗପହଣ୍ଡି ପୋଲିସକୁ ଜଣାଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଉମାକାନ୍ତଙ୍କ ଘର ବାରିପଟୁ ମୋଟର ପମ୍ପଟିକୁ ଜବତ କରିବା ସହ ତାଙ୍କୁ ଗିରଫ କରିଥିଲେ । ଏନେଇ ଥାନା ମାମଲା ନଂ.୩୦୧/୨୨ ଦଫା - ୩୭୯ ଆଇ ପି ସି ଅନୁଯାୟୀ ଅଭିଯୁକ୍ତଙ୍କୁ କୋର୍ଟ ଚାଲାଣ ପରେ ଜାମିନ ଆବେଦନ ନାମଞ୍ଜୁର ହେବାରୁ ଦିଗପହଣ୍ଡି ସବ୍ ଜେଲ ହାଜତକୁ ପଠାଇ ଦିଆଯାଇଥିବା ଥାନା ପକ୍ଷରୁ ସୂଚନା ଦିଆଯାଇଛି ।
