ଗଞ୍ଜାମ ଜିଲ୍ଲାର ଶେରଗଡ଼ ଥାନା ଅଧୀନ କୁରୁଳା ଗ୍ରାମ ସରକାରୀ ଉଚ୍ଚ ବିଦ୍ୟାଳୟର ତାଲା ଭାଙ୍ଗି ପ୍ରିଣ୍ଟର ହାର୍ଡଡିସ୍କ ଚୋରି କରିଛନ୍ତି ଦୁର୍ବୁର୍ତ୍ତ l ମିଳିଥିବା ଖବର ଅନୁସାରେ ରବିବାର ଅପରାହ୍ନ ସାଢେ ଚାରିଟାରେ ଗ୍ରାମର ସ୍କୁଲ ନିକଟରେ କିଛି ଯୁବକ କ୍ରିକେଟ ଓ ଭଲିବଲ ଖେଳିବା ସମୟରେ ସ୍କୁଲଘର କବାଟ ଖୋଲା ରହିଥିବା ଦେଖି ସ୍ଥାନୀୟ ସରପଞ୍ଚଙ୍କୁ ଜଣାଇଥିଲେ l ସ୍ଥାନୀୟ ସରପଞ୍ଚ ତୁରନ୍ତ ଶେରଗଡ଼ ଥାନା ଅଧିକାରୀଙ୍କୁ ଜଣାଇଥିଲେ lଖବର ପାଇ ଶେରଗଡ଼ ପୋଲିସ ତୁରନ୍ତ ଘଟଣା ପହଞ୍ଚି ତଦନ୍ତ ଆରମ୍ଭ କରିଛି l ଘଟଣା ସ୍ଥଳରୁ ଏକ କାତି, ଏକ ସ୍କୃ ଡ୍ରାଇଭର ପୋଲିସ ଜବତ କରିଛି l ପ୍ରାଥମିକ ପର୍ଯାୟରେ ହାର୍ଡଡିସ୍କ ପ୍ରିଣ୍ଟର ଚୋରି ହୋଇଥିବା ଜଣାପଡିଥିବାବେଳେ ସ୍କୁଲର ଛଅଗୋଟି ତାଲା ଭାଙ୍ଗି ତେରଟି ଆଲମାରୀରେ ଥିବା କାଗଜ ପତ୍ର ଛାନଭିନ ହୋଇ ପଡ଼ିଥିବା ଦେଖିବାକୁ ମିଳିଛି l ତେବେ ପ୍ରତି ରବିବାର ଦିନ ସ୍କୁଲ ଛୁଟି ରହିଥିବାରୁ ଶନିବାର ବିଳମ୍ବିତ ରାତିରେ କୌଣସି ଦୁର୍ବୁର୍ତ୍ତ ଚୋରି କରିଥିବା ଅନୁମାନ କରାଯାଉଛି l ପୋଲିସ ତଦନ୍ତ ସମୟରେ ସ୍କୁଲର ଶିକ୍ଷକ ଓ ସରପଞ୍ଚ ଉପସ୍ଥିତ ରହିଥିବା ବେଳେ କେଉଁ ଦୁର୍ବୁର୍ତ୍ତ ହାର୍ଡ ଡିସ୍କ ପ୍ରିଣ୍ଟର ଲୁଟ କରିବା ସହ ତାଲା ଭାଙ୍ଗୀ ସ୍ମାର୍ଟ ସ୍କୁଲର କ୍ଷତି କରିଛି ଏନେଇ ପୋଲିସ ଅଧିକ ତଦନ୍ତ ଚଳାଇଛି l