ବିଜୁ ଜନତା ଦଳ ରାଜ୍ୟ ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟ ତଥା ସମସ୍ତ ଜିଲ୍ଲା ମାନଙ୍କରେ ମହିଳାଙ୍କୁ ପ୍ରତ୍ୟେକ କ୍ଷେତ୍ରରେ ଅଗ୍ରାଧିକାର ଦେବା ତଥା ମହିଳା ସଂଗଠନକୁ ଅଧିକ ଦୃଢୀଭୂତ କରିବା ପାଇଁ ଆଜି ବିଜୁ ଜନତା ଦଳର ନୂତନ ମହିଳା କର୍ମକର୍ତ୍ତାଙ୍କ ନାମ ଘୋଷଣା କରିଥିବା ଜଣାପଡିଛି । ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲା ମହିଳା ସଂପାଦିକା ଭାବେ ଦିଗପହଣ୍ଡି ବ୍ଳକ ୨୮ ନଂ ଜୋନ୍ ଜିଲ୍ଲା ପରିଷଦ ବି . ଅନୂସୟା ରେଡ୍ଡୀଙ୍କୁ ମନୋନୀତ କରାଯାଇଛି । ଏଭଳି ଗୁରୁ ଦାୟିତ୍ୱ ମିଳିଥିବାରୁ ରାଜ୍ୟ ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ , ଦିଗପହଣ୍ଡି ବିଧାୟକ ତଥା ପ୍ରାକ୍ତନ ବାଚସ୍ପତି ଡଃ. ସୂର୍ଯ୍ୟ ନାରାୟଣ ପାତ୍ର , ଜିଲ୍ଲା ସଭାପତି ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ , ବିଜୁ ଜନତା ଦଳର ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିପ୍ଳବ ପାତ୍ର , ଜିଲ୍ଲା ସଭାପତି ମହିଳା ସଭାପତି ତଥା ବ୍ରହ୍ମପୁର ମେୟର ସଂଘମିତ୍ରା ଦଳେଇଙ୍କୁ ବିଜୁ ପରିବାର ତରଫରୁ ଶୁଭେଚ୍ଛା ଜଣାଇବା ସହ ନବ ମନୋନୀତ ସଂପାଦିକା ଶ୍ରୀମତୀ ରେଡ୍ଡୀଙ୍କୁ ଶୁଭକାମନା ଜଣାଇଛନ୍ତି ।