ଗଞ୍ଜାମ ଜିଲ୍ଲା ଦିଗପହଣ୍ଡି ସହରରେ ରହିଥିବା କଳିଙ୍ଗ ବୈଶ୍ଯ ସମାଜର ନୂତନ କର୍ମକର୍ତ୍ତା ଚୟନ ଶନିବାର ଅପରାହ୍ନରେ ହୋଇଯାଇଛି । ସମାଜର ପୂର୍ବତନ ସଭାପତି ଏ . ସୋମେଶ୍ୱର ରାଓଙ୍କ ଅଧ୍ୟକ୍ଷତାରେ ସ୍ଥାନୀୟ କଳିଙ୍ଗ ବୈଶ୍ଯ ଭବନ ଗୃହରେ ଆୟୋଜିତ ବୈଠକରେ ଆଞ୍ଚଳିକ ସମାଜର ସମସ୍ତ କର୍ମକର୍ତ୍ତା ଉପସ୍ଥିତ ରହିଥିଲେ । ଏହି ପରିପ୍ରେକ୍ଷୀରେ ସମାଜର ନୂତନ ସଭାପତି ଭାବେ ପୂର୍ବତନ ନଗରପାଳ ଭି . ରବିନାରାୟଣ ରାଜୁଙ୍କୁ ସର୍ବସମ୍ମତିକ୍ରମେ ମନୋନୀତ କରାଯାଇଥିଲା । ସେହିପରି ସଂପାଦକ ଭାବେ ଭି . ରାମନାଥ ରାଜୁ ଏବଂ କୋଷାଧ୍ୟକ୍ଷ ରୂପେ ଭି . ସନ୍ତୋଷ କୁମାର ରାଜୁଙ୍କୁ ଚୟନ କରାଯାଇଥିଲା । ଏହି ଅବସରରେ ନୂତନ ସଭାପତି ଶ୍ରୀ ରାଜୁ ସମାଜର ଉନ୍ନତି ଓ ସମସ୍ୟା ସମାଧାନ ଦିଗରେ ଗୁରୁତ୍ୱାରୋପ ଦିଆଯିବ ବୋଲି କହିବା ସହ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ।