Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ସରସ୍ଵତୀ ନଗର ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ସୋମବାର ପୂର୍ବାହ୍ନରେ ସ୍ବଦେଶୀ ସପ୍ତାହର ସମାରୋପ ଦିବସ ପାଳନ ହୋଇଯାଇଛି । ଏହି ଅବସରରେ ସ୍ବଦେଶୀ ବାର୍ତ୍ତା ତଥା ଭାରତରେ ସ୍ବଦେଶୀ ଆନ୍ଦୋଳନର ପ୍ରଥମ ସହୀଦ ବାବୁଗେନୁ ବଳିଦାନ ଦିବସ ଭାବେ ମଧ୍ୟ ପାଳିତ କରାଯାଇଥିଲା । ବିଦ୍ଯାଭାରତୀ ଶିକ୍ଷା ବିକାଶ ସମିତି ଆନୁକୁଲ୍ୟରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ବିଦ୍ୟାମନ୍ଦିର ପ୍ରଧାନାଚାର୍ଯ୍ଯ ଲକ୍ଷ୍ମୀକାନ୍ତ ମିଶ୍ର ଓ ଭଗବତୀ ପ୍ରସାଦ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଦୀପ ପ୍ରଜ୍ବଳନ କରାଯାଇଥିଲା । ଏହି କାର୍ଯ୍ୟକ୍ରମରେ ବିଭାଗୀୟ ମୁଖ୍ୟ ପ୍ରମୋଦ କୁମାର ଡାକୁଆ ମୁଖ୍ୟ ବକ୍ତା ଭାବେ ନିଜର ଅଭିଭାଷଣ ମତପ୍ରଦାନ କରିଥିବା ବେଳେ ଗୁରୁଜୀ ବାବୁଲା ପଣ୍ଡା ସଂଯୋଜନା କରିଥିଲେ । ଏହି ପରିପ୍ରେକ୍ଷୀରେ ସ୍ବଦେଶୀ ଦ୍ରବ୍ୟ କିଭଳି ବ୍ୟବହାର କରାଯାଇପାରିବ , ସ୍ବଦେଶୀ ଦରବ କଲେ ଗ୍ରହଣ ସମୃଦ୍ଧ ଭାରତ ହେବ ଗଠନ ଏବଂ ସ୍ବଦେଶରେ ବାବୁଗେନୁଙ୍କ ବଳିଦାନ ଉପରେ ବିଶେଷ ଆଲୋକପାତ କରାଯାଇଥିଲା । ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା ଉପସ୍ଥିତ ରହି ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ ।
