ଗଞ୍ଜାମ ହିଞ୍ଜିଳି ଥାନା ସିକିରି ଗ୍ରାମ ମୁଖ୍ୟ ରାସ୍ତାରେ ଅଘଟଣ । ହାଇୱା ଚାପାରେ ଜଣେ ଶିଶୁର ଚାଲିଯାଇଛି ଜୀବନ । ଘଟଣା ସ୍ଥଳରେ ଗ୍ରାମବାସୀଙ୍କ ରାସ୍ତାରୋକ । ମିଳିଥିବା ସୂଚନାନୁଯାୟୀ ହିଞ୍ଜିଳି- ତାରାତାରିଣୀ ମୁଖ୍ୟରାସ୍ତା ଅଭିମୁଖେ ହାଇୱା (ଓଡି ୦୭ ଏଡି ୫୮୭୩) ଯାଉଥିବା ସମୟରେ ସିକିରି ଗ୍ରାମର ପ୍ରମୋଦ ଦଳାଇଙ୍କ ପୁଅ ହିମାଶୁଂ ଦଳାଇ ଦୋକାନରୁ କିଛି ସାମଗ୍ରୀ କିଣି ରାସ୍ତା ପାର ହେଉଥିବା ସମୟରେ ହାଇୱା ତାଙ୍କ ଉପରେ ଚଢି ଯାଇଥିଲା ଫଳରେ ଘଟଣା ସ୍ଥଳରେ ହି ୭ ବର୍ଷ ନାବାଳକର ଉଡିଯାଇଥିଲା ପ୍ରାଣବାୟୁ । ଘଟଣା ସ୍ଥଳରେ ମୃତ ଦେହ ରଖି ଗ୍ରାମବାସୀ ରାସ୍ତାରୋକ କରିଥିବା ବେଳେ ଦୂର୍ଘଟଣା ଘଟାଇଥିବା ହାଇୱା ସହ ଡ୍ରାଇଭରଙ୍କୁ ଅଟକ ରଖିଛନ୍ତି । ଖବର ପାଇ ହିଞ୍ଜିଳି ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଗ୍ରାମବାସୀଙ୍କୁ ବୁଝାସୁଝା କରିବା ସହ ତଦନ୍ତ ଆରମ୍ଭ କରିଛି ।