ଦେଶରେ ଜେହାଦୀ ଗତିବିଧି ଉପରେ ରୋକ ଲଗାଇବା ସହ କଠୋର କାର୍ଯ୍ୟାନୁଷ୍ଠାନ ଦାବି କରି ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବଜରଙ୍ଗ ଦଳ ଓ ବିଶ୍ବ ହିନ୍ଦୁ ପରିଷଦ ପକ୍ଷରୁ ବିକ୍ଷୋଭ ପଦର୍ଶନ କରାଯାଇଛି । ସୂଚନା ମୁତାବକ କିଛି ବର୍ଷ ହେବ ଦେଶରେ ଜେହାଦୀ ମାନଙ୍କ କାର୍ଯ୍ୟକଳାପ ବୃଦ୍ଧି ପାଇଛି । ଯୋଜନା ପୂର୍ଵକ ପଥର ଆକ୍ରମଣ ମଧ୍ୟ କରାଯାଉଛି । ଗତ ୮ ତାରିଖରେ ଆସାମର ଲୋବିରପୁରା ଠାରେ ଜଣେ ୧୬ବର୍ଷର ବଜରଙ୍ଗ ଦଳର କାର୍ଯ୍ୟକର୍ତ୍ତାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା । ଯେଉଁଥିପାଇଁ ଦେଶର ଅନେକ ସ୍ଥାନରେ କର୍ଫ୍ୟୁ ଲାଗିବା ସହ ଉତ୍ତେଜନା ଲାଗିରହିଛି । ଖାଲି ଏତିକି ନୁହଁ ଓଡ଼ିଶାର ବିଭିନ୍ନ ସ୍ଥାନରେ ଏବେ ବେଧଡ଼କ ଗୋ ଚାଲାଣ ମଧ୍ୟ ବୃଦ୍ଧି ପାଇଛି ଏଣୁ ଏ ସବୁ ଉପରେ ରୋକ ଲଗାଇବା ସହ କାର୍ଯ୍ୟନୁଷ୍ଠାନ ଦାବୀ ନେଇ ରାଷ୍ଟ୍ରପତିଙ୍କ ଉଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛି ବଜରଙ୍ଗ ଦଳ ।