ଗଞ୍ଜାମ ଜିଲ୍ଲା ଦିଗପହଣ୍ଡି ରାଜନହର ସିଂହଦ୍ଵାର ସମ୍ମୁଖରେ ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ଶୁକ୍ରବାର ଠାରୁ ଆରମ୍ଭ ହୋଇଯାଇଛି । ପୁରୀ ରାମଦୟା ପରିଷଦ ଆନୁକୂଲ୍ୟରେ ଅନୁଷ୍ଠିତ କାର୍ଯ୍ୟକ୍ରମକୁ ବଦ୍ରିନାଥ ଧାମର ଯୋଗୀ ସନ୍ନିଷ୍ଠାନନ୍ଦ ସରସ୍ବତୀ ମୂଖ୍ଯଅତିଥି ଭାବେ ଯୋଗଦେଇ ଉଦଘାଟନ କରିଥିଲେ । ନିଜ ଉଦଘାଟନୀ ବକ୍ତବ୍ୟରେ ସେ ମର୍ଯ୍ଯଦା ପୁରୁଷୋତ୍ତମ ଶ୍ରୀରାମଙ୍କ ମହିମା ସମ୍ପର୍କରେ ବର୍ଣ୍ଣନା କରି ସଂସାରରେ ନାମର ମହିମା ଅତୁଳନୀୟ ବୋଲି କହିଥିଲେ । ବିଶେଷକରି କଳିଯୁଗରେ ମାନବ ଜାତିର ମୁକ୍ତି ଓ ପ୍ରଗତି ପାଇଁ ହରିଙ୍କ ନାମ ସଂକୀର୍ତ୍ତନ ଓ କଥା ଶ୍ରବଣ ଏକମାତ୍ର ପନ୍ଥା ବୋଲି ମଧ୍ୟ ପ୍ରକାଶ କରିଥିଲେ । ଆଇନଜୀବୀ ହରପ୍ରସାଦ ରଥଙ୍କ ସଂଯୋଜନା ଏବଂ ପରିଚାଳନା କମିଟିର ସଭାପତି ହରିକୃଷ୍ଣ ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ରାମଦୟା ପରିଷଦର ମହନ୍ତ ଗଙ୍ଗାରାମ ଦାସଜୀ ମହାରାଜ ଏବଂ ଦିଗପହଣ୍ଡିର ଶ୍ଯାମ ମହାରାଜ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ପ୍ରାରମ୍ଭରେ ଲକ୍ଷ୍ମୀନାରାୟଣ ଦାଶ ବେଦପାଠ କରିଥିବା ବେଳେ ଶେଷରେ ପରିଚାଳନା କମିଟି କାର୍ଯ୍ୟକାରୀ ସଭାପତି ତଥା ଏନ୍ଏସିର ଅଧ୍ଯକ୍ଷ ପ୍ରଫୁଲ୍ଲ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।ସତ୍ଯନାରାୟଣ ଦାଶ , ହରିକୃଷ୍ଣ ସାହୁ , କାଳୁଚରଣ ପାଣିଗ୍ରାହୀ , ଭାଗିରଥି ଚୌଧୁରୀ , ପି. ଗୋବିନ୍ଦ ପାତ୍ର , ଲକ୍ଷ୍ମୀ ନୃସିଂହ ମାର୍ଥା ଓ ଅନ୍ୟ ସଦସ୍ୟ ବୃନ୍ଦ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।