ବ୍ରହ୍ମପୁର : ବାସମ ଫାଉଣ୍ଡେସନ ଟ୍ରଷ୍ଟ ବ୍ରହ୍ମପୁର ର ୩ୟ ପ୍ରତିଷ୍ଠା ଦିବସ ପାଳନ ଅବସରରେ ବ୍ରହ୍ମପୁର MKCG ମେଡିକାଲ ରକ୍ତଭଣ୍ଡାର ପରିସରରେ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି l ବିଶିଷ୍ଟ ଶିକ୍ଷାବିତ ତଥା ସମାଜସେବୀ ଶ୍ରୀ ସୁବାଷ ରାଉତ ଏହି ଶିବିରକୁ ଆନୁଷ୍ଠାନିକ ରୂପେ ଉଦଘାଟନ କରିଥିବା ବେଳେ ମୋଟ 28ଟି ୟୁନିଟ ରକ୍ତ ସଂଗ୍ରହ କରାଯାଇଥିଲା l ଏହି ଅବସରରେ ସର୍ବ ସମ୍ମତି କ୍ରମେ ସଂସ୍ଥାର କାର୍ଯ୍ୟକାରୀ କମିଟି ଚୟନ କରାଯାଇଥିଲା l ଶ୍ରୀମତୀ ଆରତୀ ଦେବୀ ସଭାପତି , ସରୋଜ ସାହୁ ଉପସଭାପତି , ମନୋଜ ପାଢ଼ୀ ସମ୍ପାଦକ , ରମେଶ ବେହେରା ସହ ସମ୍ପାଦକ , ଅମନ ପାଢ଼ୀ କୋଷାଧକ୍ଷ , ସାଇରାମ ପାତ୍ର ଉପଦେଷ୍ଟା , ସୁବାଶିଷ ମଲିକ, ସୋନାଲି ପାଣିଗ୍ରାହୀ ଏବଂ ପ୍ରଦୀପ ଚୌଧୁରୀ କାର୍ଯ୍ୟକାରୀ ସଦସ୍ୟ ରୂପେ ମନୋନୀତ ହୋଇଛନ୍ତି l ରକ୍ତଭଣ୍ଡାର ରେ ରକ୍ତ ସଂଗ୍ରହ ର ମାତ୍ରା ହ୍ରାସ ପାଉଥିବା ଏକ ଚିନ୍ତାଜନକ ବିଷୟ ଏବଂ ଯୁବପିଢୀ ସ୍ୱଇଚ୍ଛା ରେ ଆଗେଇ ଆସି ରକ୍ତଦାନ କରି ସମାଜର ଏହି ସାମୁହିକ ଜନକଲ୍ୟାଣ କାର୍ଯ୍ୟରେ ନିଜକୁ ସାମିଲ କରିବା ପାଇଁ ଆହ୍ୱାନ ଦେଇଛନ୍ତି ସଭାନେତ୍ରୀ ଆରତୀ ଦେବୀ l ସୁଚାରୁରୂପେ କାର୍ଯ୍ୟ ସମ୍ପାଦିତ କରି ରକ୍ତଗ୍ରହଣ କରିଥିବାରୁ ସଂସ୍ଥା ତରଫରୁ ରକ୍ତଭଣ୍ଡାର କର୍ମକର୍ତ୍ତାଙ୍କୁ ଧନ୍ୟବାଦ ଅର୍ପଣ କରାଯାଇଛି l ସଂସ୍ଥାର ସମସ୍ତ କାର୍ଯ୍ୟକାରୀ ସଦସ୍ୟ ଶିବିର ପରିଚାଳନା ରେ ସହଯୋଗ କରିଥିଲେ l