ଗଞ୍ଜାମ ଜିଲ୍ଲାର ଦିଗପହଣ୍ଡି ତହସିଲଦାରଙ୍କ ମାନବିକତା ଯୋଗୁଁ ଜଣେ ଗୁରୁତ୍ତର ଆଦିବାସୀ ମହିଳାଙ୍କୁ ଉଚିତ୍ ସମୟରେ ହୋଇପାରିଛି ଚିକିତ୍ସା । ଘଟଣା ରହିଥିଲା ଏହିପରି ରବିବାର ଦିଗପହଣ୍ଡି ତହସିଲଦାର ସିପକ କୁମାର ପାତ୍ର ସରକାରୀ କାର୍ଯ୍ୟକ୍ରମରେ ଦିଗପହଣ୍ଡି ତହସିଲର ଖମାରିଗାଁ ପଞ୍ଚାୟତର ପାହାଡିଆ ଗାଁ ଡ଼ିକିଲି କୁ ଯାଇଥିଲେ । ସେଠାରେ ଜଣଙ୍କ ଘରୁ କାନ୍ଦ ଶୁଣିବାକୁ ମିଳିଥିଲା । ଘଟଣା ବୁଝିବା ପରେ ଜଣାପଡିଥିଲା ଜଣେ ଆଦିବାସୀ ମହିଳା ଚଣା ବାଡ଼କୁ ଯାଇଥିବା ବେଳେ ସେଠାରେ ରହି୍ଥିବା ମଞ୍ଚାକୁ ଚଢ଼ୁଥିବା ସମୟରେ ଖସି ପଡ଼ିଥିଲେ । ଯେଉଁଥିପାଇଁ ବାଉଁଶ ପେଟ ରେ ପଶିଯାଇଥିଲା । ଏହି ଘଟଣା ଜାଣିବା ପରେ ତହସିଲଦାର ତୁରନ୍ତ ନିଜର ମାନବିକତା ଦେଖାଇ ନିଜ ବୋଲେରୋ ଗାଡି ଯୋଗେ ଗୁରୁତ୍ତର ହୋଇଥିବା ଆଦିବାସୀ ମହିଳା ଦିଗପହଣ୍ଡି ମେଡିକାଲ କୁ ଆଣି ପ୍ରାଥମିକ ଚିକିତ୍ସା କରାଇଥିଲେ । ପରେ 108 ଆମ୍ବୁଲାନ୍ସ ଯୋଗେ ବ୍ରହ୍ମପୁର ଏମ.କେ.ସି.ଜି କୁ ପଠାଇଛନ୍ତି । ତହସିଲଦାରଙ୍କ ଏଭଳି କାର୍ଯ୍ୟ ପାଇଁ ବିଭିନ୍ନ ମହଲରେ ପ୍ରଂଶସା କରାଯାଇଛି ।