ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ କଂସାମାରୀ ପଞ୍ଚାୟତ ଅନ୍ତର୍ଗତ ଧରମପୁର ଗ୍ରାମରେ ରବିବାର ବିଳମ୍ବିତ ସନ୍ଧ୍ୟାରେ ଏକ ବଡ଼ ଅଘଟଣ ଦେଖିବାକୁ ମିଳିଛି । ଘର ନିକଟରେ ଥିବା କୂଅ ଚନ୍ଦିନୀରେ ଶୋଇଥିବା ବେଳେ ଅସାବଧାନତା କାରଣରୁ ଗଳି ପଡି ମୃତ୍ୟୁବରଣ କରିଥିବା ଜଣାପଡିଛି । ମୃତକ ଜଣକ ଉକ୍ତ ଗ୍ରାମର ଜି . ଦଣ୍ଡପାଣି ଦୋରା (୫୨) ବୋଲି ସୂଚନା ମିଳିଛି । ଖବରନୁଯାୟୀ , ମୃତ ଦୋରା ଶ୍ରମିକ ଭାବେ କାମ କରୁଥିବା ବେଳେ ପ୍ରତ୍ୟେକ ଦିନ ଭଳି ଗତ ଶନିବାର ସନ୍ଧ୍ୟାରେ କାମରୁ ଫେରି ଘରେ କେହି ନଥିବା ଯୋଗୁଁ ଘର ନିକଟରେ ଥିବା କୂଅ ଚନ୍ଦିନୀରେ ଶୋଇଥିଲେ । ତେବେ ରବିବାର ସକାଳୁ ସବୁଦିନ ଭଳି କାମକୁ ଯିବାପାଇଁ ଡାକି ଆସୁଥିବା ଅନ୍ୟ ସହଯୋଗୀ ତାଙ୍କୁ ଖୋଜିବା ସହ ଶେଷରେ ନିରାଶ ହୋଇ ଏକାକୀ ଚାଲି ଯାଇଥିଲେ । ପୁଣିଥରେ ସନ୍ଧ୍ୟାରେ ଆସି ଡାକ ପକାଇବା ପରେ କୂଅକୁ ନଜର ପଡ଼ିଥିଲା । ତେବେ ସେଥିରୁ ଜଣାପଡ଼ିଲା ଯେ , କୁଅରେ ଜଣକ ଶବ ଭାସୁଥିବା ଦେଖିବାକୁ ପାଇବା ପରେ ଲୋକରୁଣ୍ଡ ହୋଇ ସ୍ଥାନୀୟ ପୋଲିସ ଓ ସାନଖେମୁଣ୍ଡି ଅଗ୍ନିଶମ ବିଭାଗ କର୍ମଚାରୀଙ୍କୁ ଖବର ଦେଇଥିଲେ । ଘଟଣାସ୍ଥଳରେ ସାନଖେମୁଣ୍ଡି ଦମକଳ ବାହିନୀ କର୍ମକର୍ତ୍ତା ଗଭୀର କୂଅରେ ପଶିଥିଲେ ମଧ୍ୟ ଉଦ୍ଧାର କରିବାରେ ନାନା ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଏପରିକି ନିଃଶ୍ବାସ ପ୍ରଶ୍ବାସ ନେବାରେ ଅସୁବିଧା ହୋଇଥିଲା । ଏହାପରେ ଦିଗପହଣ୍ଡି ଅଗ୍ନିଶମ ବିଭାଗ କର୍ମଚାରୀ ପହଞ୍ଚିବା ପରେ ମିଳିତ ଭାବେ ଅକ୍ସିଜନ ସିଲିଣ୍ଡରର ସହାୟତା ନେଇ ଉଦ୍ଧାର କରିଥିଲେ । ଏନେଇ ପାଟପୁର ପୋଲିସ ପକ୍ଷରୁ ଏକ ଅପମୃତ୍ୟୁ ମାମଲା ନଂ ୮/୨୩ ପ୍ରକାରେ ମକଦ୍ଦମା ରୁଜୁ କରାଯାଇ ତଦନ୍ତ ଚଳାଇଥିବା ପୋଡାମାରୀ ଫାଣ୍ଡି ଏ ଏସ୍ ଆଇ ପରମେଶ୍ବର ମଳିକ ସୂଚନା ଦେଇଛନ୍ତି ।
ରଥଯାତ୍ରା ଅବସରରେ ମହାପ୍ରଭୁ ଜଗନ୍ନାଥଙ୍କ ୧୦୮ ପ୍ରତିକୃତି ପ୍ରସ୍ତୁତ କରି ଚର୍ଚ୍ଚାରେ ବ୍ରହ୍ମପୁରର ମନୀଷା ପଣ୍ଡା
Read More...