ଛତ୍ରପୁର: ଷ୍ଟେଟ ବ୍ୟାଙ୍କ ପକ୍ଷରୁ କ୍ଷେତ୍ରିୟ କାର୍ଯ୍ୟାଳୟର ସମସ୍ତ ଗ୍ରାହକ ସେବା କେନ୍ଦ୍ର ଗୁଡିକର ସହଯୋଗିତା ସମ୍ପର୍କିତ କାର୍ଯ୍ୟଶାଳା ଗୁରୁବାର ଦିନ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଆୟୋଜିତ ହୋଇଯାଇଛି l ଏଥିରେ ଜିଲ୍ଲାର ୧୦୧ ଟି ଷ୍ଟେଟ ବ୍ୟାଙ୍କ ଗ୍ରାହକ ସେବା କେନ୍ଦ୍ରର ପରିଚାଳକ ଯୋଗ ଦେଇଥିଲେ l ଏହି ବୈଠକରେ ଷ୍ଟେଟ ବ୍ୟାଙ୍କ ବ୍ରହ୍ମପୁର ଜିଲ୍ଲାର ଆଞ୍ଚଳିକ ପ୍ରବନ୍ଧକ ଶ୍ରୀ ପ୍ରଶାନ୍ତ କୁମାର ବେହେରା ଓ ମୁଖ୍ୟ ଅତିଥି ଶ୍ରୀ ମାନସ ରଞ୍ଜନ ଧିର ସାମନ୍ତ ଅତିଥି ଭାବେ ଯୋଗ ଦେଇଥିଲେ l ସେ ତାଙ୍କର ଅଭିଭାଷଣରେ ଷ୍ଟେଟ ବ୍ୟାଙ୍କ ସବୁବେଳେ ଉତ୍ତମ ଗ୍ରାହକ ସେବାକୁ ପ୍ରାଥମିକତା ଦେଇ ଆସୁଛୁ ବୋଲି କହିଥିଲେ l ସରକାରଙ୍କ ଲୋକାଭିମୁଖୀ ଯୋଜନା ବିଶେଷ କରି ଆର୍ଥିକ ଅନ୍ତର୍ଭୁକ୍ତି କରଣ ଯୋଜନାକୁ ସଫଳ କରାଇବା ଲାଗି ଷ୍ଟେଟ ବ୍ୟାଙ୍କ ଅଗ୍ରାଧିକାର ଦେଇଛି l ଏହି ସବୁ କାର୍ଯ୍ୟକ୍ରମ ସଫଳ କରାଇବା ପାଇଁ ଗ୍ରାହକ ସେବା କେନ୍ଦ୍ର ଗୁଡିକର ଭୂମିକା ଅଛି ବୋଲି ପ୍ରକାଶ କରିଥିଲେ l ପ୍ରଧାନମନ୍ତ୍ରିଙ୍କ ଜନଧନ ଯୋଜନା, ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା, ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା ଓ ଅଟଳ ପେନସନ ବୀମା ଯୋଜନା ବିଷୟ ଆଲୋଚନା ହୋଇଥିଲା l ଏଥିରେ ଛତ୍ରପୁର ମୁଖ୍ୟ ଶାଖାର ମୁଖ୍ୟ ପ୍ରବନ୍ଧକ ଶ୍ରୀ ନୀଳକଣ୍ଠ ବେହେରା , ଶ୍ରୀ ରମଣି ରଞ୍ଜନ ସାହୁ( ମ୍ୟାନେଜର F.I ),ଶ୍ରୀ ରତ୍ନାକର ପଣ୍ଡା Asst ମ୍ୟାନେଜର ସଭାରେ ଉଦବୋଧନ ଦେଇଥିଲେ l ଏଥିରେ ମୁଖ୍ୟତଃ ସରକାରଙ୍କ Gp saturation camp ମଧ୍ୟରେ ପ୍ରଧାନମନ୍ତ୍ରି ସୁରକ୍ଷା ବୀମା ଯୋଜନା ଓ ପ୍ରଧାନମନ୍ତ୍ରୀ ଜୀବନ ଜ୍ୟୋତି ଏହି ଦୁଇଟି ଯୋଜନାରେ ଅଧିକରୁ ଅଧିକ ଲୋକଙ୍କୁ ଅନ୍ତର୍ଭୁକ୍ତ କରିବା ପାଇଁ ଗୁରୁତ୍ୱ ଦେଇଥିଲେ l