Kiran Behera
ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକରେ ସାଂସଦ ପାଣ୍ଠିରୁ ଆସିଥିବା ଟଙ୍କା ଆବଣ୍ଟନକୁ ନେଇ ରବିବାର ଦିନ ବିଜୁ ଜନତା ଦଳ କର୍ମୀ ତଥା ସ୍ଥାନୀୟ ନିର୍ବାଚିତ ପ୍ରତିନିଧିଙ୍କ ଦ୍ଵାରା ଅସନ୍ତୋଷ ଦେଖାଦେଇଛି । ଯାହାକୁ ନେଇ ପାଟପୁର ସ୍ଥିତ ବୁଦ୍ଧେଶ୍ବର ଶୈବପୀଠ ପ୍ରାଙ୍ଗଣରେ ଅନୁଷ୍ଠିତ ବିଜେଡ଼ିର ସାଂଗଠନିକ ବୈଠକ କାର୍ଯ୍ୟକ୍ରମରେ କର୍ମକର୍ତ୍ତା ମାନେ ଦୃଢ଼ ନିନ୍ଦା କରିବା ସହ ସାଂସଦ ପ୍ରତିନିଧି ଅନ୍ତର୍ଯ୍ୟାମୀ ସ୍ବାଇଁ ନିଜ ପଦବୀରୁ ଇସ୍ତଫା ଦେଇଥିବା ଜଣାପଡିଛି । ଖବରପ୍ରକାରେ , ଗତ ପଞ୍ଚାୟତ ନିର୍ବାଚନରେ ବିଜୟୀ ଜନ ପ୍ରତିନିଧି ମାନେ ସେମାନଙ୍କ ପଞ୍ଚାୟତର ବିକାଶ କରିବା ପାଇଁ ଲୋକମାନଙ୍କୁ ପ୍ରତିଶ୍ରୁତି ଦେଇ ଆସିଥିଲେ । କିନ୍ତୁ ବର୍ତ୍ତମାନ ଦଳୀୟ କର୍ମୀଙ୍କ ମଧ୍ୟରେ ବିବାଦ ଯୋଗୁଁ ପଞ୍ଚାୟତର ଉନ୍ନୟନ ମୂଳକ କାର୍ଯ୍ୟରେ ବାଧା ସୃଷ୍ଟି ହେବା ସହ କର୍ମୀଙ୍କ ମଧ୍ୟରେ ପ୍ରକାଶ ପାଇଛି ଅସନ୍ତୋଷ । ଯାହାଫଳରେ ଆଜି ଅସନ୍ତୋଷ ବିଜୁ କର୍ମକର୍ତ୍ତାଙ୍କୁ ନେଇ ଏକ ଆଲୋଚନା ସଭା ହେବା ଦଳର ସଂଗଠନ ଦୃଢ଼ କରିବା ଉଦ୍ଦେଶ୍ୟରେ ଏକ ନୂତନ ଅସ୍ଥାୟୀ କମିଟି ଗଠନ କରାଯାଇଥିଲା । ଏଥିରେ ଅନ୍ତର୍ଯ୍ୟାମୀ ସ୍ବାଇଁଙ୍କୁ ସଭାପତି ଭାବେ ମନୋନୀତ କରାଯାଇଥିଲା । ତାଙ୍କରି ସଭାପତିତ୍ବରେ ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ଅମିନ ପ୍ରଧାନ , ପ୍ରତିନିଧି ଶଙ୍କର୍ଷଣ ସ୍ବାଇଁ , ରାଜୀବ ଲୋଚନ ପାତ୍ର ସମେତ ବହୁ ସରପଞ୍ଚ , ସମିତି ସଭ୍ୟ ମାନେ ଉପସ୍ଥିତ ରହିଥିଲେ । ଏହି ପରିପ୍ରେକ୍ଷୀରେ ସାନଖେମୁଣ୍ଡି ଅଞ୍ଚଳର ଉନ୍ନତି ସକାଶେ ବହୁ କର୍ମୀ ଦୁଇ ଦୁଇଟି ପଦବୀ ପ୍ରଦାନ କରାଯାଇଥିଲେ ମଧ୍ୟ ଆଜି ତାଙ୍କ ପ୍ରତି ଅଣଦେଖା , କୌଣସି ସାଂଗଠନିକ କାର୍ଯ୍ୟରେ ସେମାନଙ୍କୁ ନିମନ୍ତ୍ରଣ ନ କରିବା ଫଳରେ ନିକଟରେ ବହୁ କର୍ମକର୍ତ୍ତା ନିଜ ପଦବୀରୁ ଇସ୍ତଫା ମଧ୍ୟ ଦେଇ ଆସିଛନ୍ତି । ଏଥିସହ ୪ ବର୍ଷ ପରେ ସାଂସଦ ପାଣ୍ଠିରୁ ଆସିଥିବା ୧ କୋଟି ୨୫ ଲକ୍ଷ ଟଙ୍କା ଆସିକା ସାଂସଦ ପ୍ରମିଳା ବିଷୋୟୀ ସାନଖେମୁଣ୍ଡି ଅଞ୍ଚଳର ନେତୃତ୍ୱ ଦାୟିତ୍ବରେ ରହିଥିବା କର୍ମୀଙ୍କୁ ଦିଆଯାଇଥିବା ବେଳେ ସାଂସଦ ପ୍ରତିନିଧିଙ୍କ ଅଜାଣତରେ ସେହି ଟଙ୍କାକୁ ନିର୍ଦ୍ଧିଷ୍ଟ ୪ ଗୋଟି ପଞ୍ଚାୟତରେ ବଣ୍ଟନ କରାଯାଇଥିବାରୁ ଦୃଢ ଅସନ୍ତୋଷ ପ୍ରକାଶ କରିବା ସହ ଆଗାମୀ ଦିନରେ ଏହାର ସମାଧାନ କରାଯାଉ , ଏପରିକି ଆଗାମୀ ୨୦୨୪ ନିର୍ବାଚନକୁ ଦୃଷ୍ଟିରେ ରଖି ଦଳୀୟ କର୍ମୀଙ୍କୁ ସମସ୍ତ କାର୍ଯ୍ୟରେ ସଂପୃକ୍ତ କରାଯାଉ ଏବଂ ଦଳକୁ ଅଧିକ ଦୃଢ଼ କରାଯାଉ ବୋଲି ବୈଠକରେ ଆଲୋକପାତ କରିଥିଲେ । ଆଗାମୀ ଦିନରେ ଏହା ଉପରେ ବିଜୁ ଜନତା ଦଳ ପକ୍ଷରୁ କୌଣସି ସମାଧାନ ନ କରାଯାଏ ତେବେ ଦଳୀୟ କର୍ମୀମାନେ ଦଳୀୟ କାର୍ଯ୍ୟକ୍ରମରେ ସହଯୋଗ କରିବେ ନାହିଁ ଦୃଢ଼ ଦାବି କରିଛନ୍ତି । ଏହି କାର୍ଯ୍ୟକ୍ରମରେ ସରପଞ୍ଚ ଧୋବା ସ୍ବାଇଁ , ସୁଶାନ୍ତ ସେଠୀ , ଜାଗିଲି ସେଠୀ , ଦେବରାଜ ସେଠୀ , ରମେଶ ପାତ୍ର , ପ୍ରଶାନ୍ତ ରେଡ୍ଡୀ , ଶିବରାମ ସ୍ବାଇଁ ସମେତ ବହୁ ସରପଞ୍ଚ , ସମିତି ସଭ୍ୟ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ ।
