୧୭ ଅଗଷ୍ଟ ୨0୨୩ ରେ ସଂସ୍କୃତିଧର୍ମୀ ପତ୍ରିକା ଅଭିନୟ ଜଗତ ତରଫରୁ ଦେଶାତ୍ମବୋଧକ ସାଂସ୍କୃତିକ କାର୍ଯ୍ୟକ୍ରମ " ବନ୍ଦେ ମାତରମ " ର ରୌପ୍ୟ ଜୟନ୍ତୀ ଉତ୍ସବ ବ୍ରହ୍ମପୁରର ଟାଉନ ହଲ ରେ ଆୟୋଜନ ହେବ l ଏଥି ସକାଶେ ଅଭିନୟ ଜଗତ ତରଫରୁ ସମ୍ପାଦକ ଡ ମିହିର ତ୍ରିପାଠୀଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଆଜି ଅପରାହ୍ନ ରେ ଆୟୋଜିତ ହୋଇସାରିଛି l ୧୯୯୯ମସିହାରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମର ଚଳିତ ବର୍ଷ ୨୫ ବର୍ଷ ପୂର୍ତ୍ତି ହେଉଛି l ତେଣୁ ଧୂମଧାମ ରେ ଦେଶାତ୍ମବୋଧକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ କିଛି ଜ୍ଞାନୀଗୁଣୀ ବ୍ୟକ୍ତିତ୍ୱଙ୍କୁ ମଧ୍ୟ ସମ୍ବର୍ଦ୍ଦନା କରାଯିବ l ଏହି କାର୍ଯ୍ୟକ୍ରମରେ ଓଡିଶାର ମହାମହିମ ରାଜ୍ୟପାଳଙ୍କୁ ଯୋଗ ଦେବାପାଇଁ ମଧ୍ୟ ଅନୁରୋଧ ପତ୍ର ପ୍ରେରଣ କରାଯାଇଛି l ଏହି ବୈଠକରେ ବରିଷ୍ଠ ସାମ୍ବାଦିକ ଅଶୋକ କୁମାର ବ୍ରହ୍ମା, ସୁଦୀପ ସାହୁ, ନାରାୟଣ ମାହାଙ୍କୁଡ, ଓଡିଶା ସଂଗୀତ ନାଟକ ଏକାଡେମୀ ସଦସ୍ୟ ଅନିଲ କୁମାର ପାତ୍ର, ଅଭିନୟ ଜଗତ ର ସଭାପତି ରବୀନ୍ଦ୍ର କୁମାର ନାୟକ, ସର୍ବ ଭାରତୀୟ ନାଟ୍ୟ ପରିଷଦର ରାଷ୍ଟ୍ରୀୟ ଉପାଧ୍ୟକ୍ଷ ରାଜଗୋପାଳ ପାଢ଼ୀ, ନୃତ୍ୟ ନିର୍ଦ୍ଦେଶିକା ଉଷା ରାଣୀ ମହାପାତ୍ର ଓ କଳାପ୍ରାଣ କୈଳାସ ଚନ୍ଦ୍ର ପାଣିଗ୍ରାହୀ ପ୍ରମୁଖ ଯୋଗ ଦେଇଥିଲେ l