ପାରଳାଖେମୁଣ୍ଡି-ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ଠାରେ ଆଜି ମଣିପୁରରେ ଲାଗିରହିଥିବା ଅଶାନ୍ତ ପରିସ୍ଥିତିର ସୁଧାର ଆଣି ଶାନ୍ତି ଫେରାଇ ଆଣିବା ଦାବିରେ ଗଜପତି ୟୁନାଇଟେଡ଼ ଖ୍ରୀଷ୍ଟିୟାନ ଫୋରମ ଓ ମୁସଲିମ ସମ୍ପ୍ରଦାୟର ଶହଶହ ଲୋକ ଏକ ଶାନ୍ତି ଶୋଭାଯାତ୍ରାର ଆୟୋଜନ କରିଛନ୍ତି । ଏହି ଶୋଭାଯାତ୍ରା ସୋମବାର ସକାଳେ ସ୍ଥାନୀୟ କୋର୍ଟ ଛକ ଠାରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପର୍ଯ୍ୟନ୍ତ 5 ଦଫା ସମ୍ବଳିତ ଏକ ସ୍ମାରକୀ ପତ୍ର ଗଜପତି ଙ୍କୁ ପ୍ରଦାନ କରିଥିଲେ । ଦୀର୍ଘ ଦିନ ହେଲା ମଣିପୁରରେ ହିଂସା ଥମିବାର ନାଁ ନେଉନି । ସେଠାରେ ଥିବା ଅନେକ ଚର୍ଚ୍ଚଘର, ଅନେକ ମସଜିଦ ଓ ନିରୀହ ଆଦିବାସୀ ବେଘର ହେବା ସହ ସାମ୍ପ୍ରଦାୟିକ ହିଂସାର ଶିକାର ହେଉଛନ୍ତି । ସେଠାରେ ରାଜ୍ୟ ସରକାର ଓ କେନ୍ଦ୍ରସରକାର ଶାନ୍ତି ଫେରାଇ ଆଣିବାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି । ଯାହା ଫଳରେ ଲୋକଙ୍କ ମାନବ ଅଧିକାର କ୍ଷୁର୍ଣ୍ଣ ହେବା ସହ ନୀରିହ ଲୋକେ ଧନଜୀବନ ନଷ୍ଟ ହୋଉଥିବା ଅଭିଯୋଗ ହୋଇଛି । ବର୍ତ୍ତମାନ ସମୟରେ କିଭଳି ମଣିପୁରରେ କିପରି ଶାନ୍ତି ଫେରିଆସିବ ସେ ନେଇ ଗଜପତି ଜିଲ୍ଲାପାଳଙ୍କ ମାଧ୍ୟମରେ ମହାମୋହିମ ରାଷ୍ଟ୍ରପତିଙ୍କ ଉଦ୍ଧେଶ୍ୟରେ ଏକ ସ୍ମାରକପତ୍ର ପ୍ରଦାନ କରିଛନ୍ତି। ସେମାନଙ୍କ ଅଭିଯୋଗ ମୁତାବକ ବର୍ତ୍ତମାନ ସୁଦ୍ଧା ମଣିପୁରରେ ଉଭୟ ରାଜ୍ୟ ଓ କେନ୍ଦ୍ର ସରକାର ଶାନ୍ତି ଫେରାଇ ଆଣିବାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି ସେଠାରେ ରାଷ୍ଟ୍ରପତି ଶାସନ ଲାଗୁକରିବା ପାଇଁ ଦାବି କରିଛନ୍ତି ଗଜପତି ଜିଲ୍ଲାର ଉଭୟ ମୁସଲିମ ଓ ଖ୍ରୀଷ୍ଟିୟାନ ସମ୍ପ୍ରଦାୟର ନେତାମାନେ । ଏହି ଶୋଭାଯାତ୍ରାରେ ୟୁନାଇଟେଡ ଖ୍ରିଷ୍ଠୀଆନ ଫେରମ ଆବାହକ ପଲ୍ଲଭ ଲିମା, ଜେମସ ରାଇକ, ବାଣୀ ପ୍ରସାଦ ମାଳି, ଦକ୍ଷିଣ ଓଡ଼ିଶା ସନ୍ନିି ଓ ଜାମା ମସଜିଦ ସଭାପତି ମହମ୍ମଦ ଫେଜଉଲ୍ଲା ଖାନ ଏବଂ ଗଜପତି ଜିଲ୍ଲାର ବହୁ ସଂଖ୍ୟାରେ ମୁସଲିମ ଓ ଖ୍ରୀଷ୍ଠୀୟାନ ସମ୍ପ୍ରଦାୟର ଲୋକ ମାନେ ଯୋଗଦାନ କରିଥିଲେ ।