4ଦିନିଆ ଗସ୍ତରେ ଥିବା କଂଗ୍ରେସ ପ୍ରଚାରକମିଟି ଅଧ୍ୟକ୍ଷ ବିଜୟ ପଟନାୟକ ଘରଘର କଂଗ୍ରେସ କାର୍ଯ୍ୟକ୍ରମ ଜିଲ୍ଲାର ପ୍ରତେକ ବ୍ଲକରେ କରିବା ସହ ଆଜି ହଟାତ ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି । ଚିକିତ୍ସାଳୟରେ ସମସ୍ତ ୱାର୍ଡ ବୁଲିଦେଖିବା ସହ ଜିଲ୍ଲା ମୁଖ୍ୟ ଚିକିତ୍ସକଙ୍କ ସହ ଆଲୋଚନା କରିଛନ୍ତି । ମୁଖ୍ୟତଃ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆନାସ୍ତେସିୟା ଡାକ୍ତରଙ୍କ ଅଭାବ ସହ ବହୁ ନର୍ସ ଓ ଟେକ୍ନିସିୟନ ପଦବୀ ଖାଲିପଡିଥିବା ଅତ୍ୟନ୍ତ ଦୁଭାଗ୍ୟଜନକ ବୋଲି କହିଛନ୍ତି । ରାଜ୍ୟ ସରକାର ପ୍ରତିବର୍ଷ ଲୋକଙ୍କ ଚିକିତ୍ସା ବାବଦକୁ କୋଟି କୋଟି ଟଙ୍କା ଖର୍ଚ୍ଚ କରି ଘରୋଇ ହସ୍ପିଟାଲ ଗୁଡିକୁ ସହଯୋଗ କରୁଛନ୍ତି । ସେହି ଟଙ୍କା ଯଦି ସରକାରୀ ଚିକିତ୍ସାଳୟରେ ବିନିଯୋଗ କରିଥାନ୍ତେ ତେବେ ଲୋକେ ବାହାରକୁ ଘରୋଇ ହସ୍ପିଟାଲରେ ଚିକିତ୍ସା ହେବାକୁ ପଡିନଥାନ୍ତା । ସବୁ ଠିକ ସମୟରେ ନର୍ସ ,ଟେକ୍ନିସିୟନ, ଫାର୍ମାସିଷ୍ଟ ନିଯୁକ୍ତି ଦେବା ଆବଶ୍ୟକ ବୋଲି କହିଛନ୍ତି