Rasmi Ranjan Sahu
ପାରଳାଖେମୁଣ୍ଡି- ଗଜପତି ଜିଲା ପାରଳାଖେମୁଣ୍ଡି ଅବିକାର ବିଭାଗକୁ ମିଳିଛି ବଡ ଧରଣର ସଫଳତା । ଆଜି ସକାଳୁ ଗୋଟିଏ ଇଣ୍ଡିକା ମଞ୍ଜା କାରରେ ୫କୁଇଣ୍ଟାଲ ୨୦ କେଜି ଗଞ୍ଜେଇ ନେଇ ଯାଉଥିବା ସମୟରେ ଗୋଶାଣୀ ବ୍ଲକ ଲିଙ୍ଗିପୁର ଗ୍ରାମ ନିକଟରେ ଧରିବାରେ ସକ୍ଷମ ହୋଇଛି ଆବିକାରୀ ବିଭାଗ । ଗତକାଲି ଠାରୁ କୌଣସି ଏକ ବିଶ୍ୱସ୍ତ ସୂତ୍ରରୁ ଖବର ମିଳିଥିଲା ଗୋଟିଏ ଇଣ୍ଡିଗୋ ମଞ୍ଜା ଗାଡ଼ି ( ଓଆର ୦୨ ବିକ୍ୟୁ ୩୭୭୩) ଗଞ୍ଜେଇ ଚାଲାଣ ହେଉଥିବାର ନେଇ ସୂଚନା ପାଇବା ପରେ ଆବିକାରୀ ବିଭାଗ ୫ଟି ଟିମ ଗଠନ କରି ଆନ୍ଧ୍ରକୁ ଯାଉଥିବା ୫ଟି ରାସ୍ତାରେ ଛକି ବସିଥିଲେ ଅବକାରୀ ଟିମ । ଗାଡିକୁ ଅଟକାଇ ତଲାସ କରିବା ସମୟରେ ବିପୁଳ ପରିମାଣର ଗଞ୍ଜେଇ ବୋଝେଇ ହୋଇଥିବା ଦେଖିବାକୁ ମିଳିଥିଲା । ଗାଡ଼ି ଭିତରୁ ୫କୁଇଣ୍ଟାଲ ୨୯ କେଜି ଗଞ୍ଜେଇ ଓ ଇଣ୍ଡିଗୋ ଗାଡିସହ ଜଣକୁ ଗିରଫ କରିଛି ଗଜପତି ଜିଲ୍ଲା ଅବକାରୀ ବିଭାଗ । ଗିରଫ ବ୍ୟକ୍ତି ଜଣକ ମୋହନା ଅଞ୍ଚଳର ସସିକାନ୍ତ ନାୟକ । ଆନ୍ଧ୍ରକୁ ଚୋରା ଗଞ୍ଜେଇ ଚାଲାଣ ସମୟରେ ଅବକାରୀ ବିଭାଗ ହାତରେ ଧରାପଡିଛି । ଜବତ ଗଞ୍ଜେଇର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ଏନେଇ ପାରଳାଖେମୁଣ୍ଡି ଅବକାରୀ ଥାନାରେ ୧୪୯/୨୩-୨୪ ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଆଜି ପାରଳାଖେମୁଣ୍ଡି କୋର୍ଟ ହାଜର କରାଯିବ ବୋଲି ଅବକାରୀ ଅଧିକାରୀ ପ୍ରଭାତ କୁମାର ସେଠୀ ସୂଚନା ଦେଇଛନ୍ତି ।
