Santosh Kumar Mishra
ବାଘଳା ପଂଚାୟତରେ ଚାଷୀ ମାନଙ୍କ ଠାରୁ ଧାନ କିଣାରେ ଅନିୟମିତତା ଅଭିଯୋଗ ହୋଇଛି । ଚାଷୀଙ୍କ ଠାରୁ ୧୦୦ କି.ଗ୍ରା ଧାନ କିଣି ୭୭ କି.ଗ୍ରା ଧାନ ବାବଦରେ ଟଙ୍କା ମିଲର ମାନେ ଦେବାକୁ ରାଜି ହେଉଛନ୍ତି । ଏହି କଟନି ଛଟନି କୁ ଚାଷୀମାନେ ତୀବ୍ର ବିରୋଧ କରିଛନ୍ତି । ଏନେଇ ଚାଷୀମାନେ କ୍ଷତି ସହିବେ ବୋଲି କୁହାଯାଇଛିା ଏନେଇ ବାଘଳା ର ମା ବାଙ୍କେଶ୍ୱରୀ ମହିଳା ଆତ୍ମ ସହାୟକ ସଂଘର ସଦସ୍ୟା ଓ ଚାଷୀମାନେ ସୋମବାର ଛତ୍ରପୁର ଆସି ଜିଲାପାଳଙ୍କୁ ଏସମ୍ପର୍କରେ ଅଭିଯୋଗ କରିଛନ୍ତି । ଏଥିସହ ଏକ ସ୍ମାରକପତ୍ର ପ୍ରଦାନ କରିଥିଲେ । ଏମାନଙ୍କ କହିବାନୁଯାୟୀ ବାଘଳା ଗ୍ରାମପଂଚାୟତ କାର୍ଯ୍ୟାଳୟରେ ୬ ତାରିଖରେ ଧାନ କିଣା ନେଇ ଏକ ଆଲୋଚନା ବୈଠକ ଅନୁଷ୍ଠିତ ହୋଇଥିଲା । ଏଥିରେ ମା ବାଙ୍କେଶ୍ୱରୀ ମହିଳା ଆତ୍ମ ସହାୟକ ସଂଘର ସଭାନେତ୍ରୀ, ସମ୍ପାଦିକା, ଧାନ କିଣା କମିଟି, ୨୫୦ ଜଣ ଚାଷୀ ଯୋଗଦେଇଥିଲେ । ଏଥିସହ ୩ ଜଣ ମିଲର ମଧ୍ୟ ଉପସ୍ଥିତ ଥିଲେ । ୧୦୦ କି.ଗ୍ରା ଧାନ ନେଇ ୭୭ କି.ଗ୍ରା ଧାନ ର ଟଙ୍କା ଦିଆଯିବ ବୋଲି ମିଲର ମାନେ କହିଥିଲେ । ଏଥିସହ ଅଖା ବାବ ଦରେ ଟଙ୍କା ଦେବାକୁ ମିଲର ମାନେ ମନା କରିଦେଇଥିଲେ ।
