Sri Jaganath Tripathy
ଗଞ୍ଜାମ -କୁକୁଡାଖଣ୍ଡି ବ୍ଳକ କଳା ଓ ସଂସ୍କୃତି ସଂଘର ପ୍ରଶିକ୍ଷଣ କାର୍ଯ୍ୟକ୍ରମ ପଞ୍ଚାୟତ ସମିତି କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ସଂଘ ସଭାପତି ବାବୁଲା ଭୂୟାଁ ତତ୍ତ୍ଵାବଧାନରେ ଆୟୋଜିତ କାର୍ଯ୍ୟକ୍ରମ ରେ ସଂଘ ସଭାପତି ତଥା ବିଡିଓ ଡଃ ପଲ୍ଲବୀ ସ୍ବାଇଁ ଅଧ୍ୟକ୍ଷତା କରିଥିଲେ। ପ୍ରଶିକ୍ଷଣ ତାଲିମଦାତା ଭାବେ ଗୋଷ୍ଠୀ ସାମାଜିକ ସୁରକ୍ଷା ଅଧିକାରୀ ମନୋଜ କୁମାର ପ୍ରଧାନ ଯୋଗ ଦେଇ ଉପସ୍ଥିତ କଳାକାରମାନଙ୍କୁ ତାଲିମ ପ୍ରଦାନ କରିଥିଲେ।ରାଜ୍ୟ ସରକାରଙ୍କ ବହୁ ଜନକଲ୍ୟାଣ ଯୋଜନା ଗୁଡିକ ଯଥା ମମତା,ଜୀବିକାମିଶନଶକ୍ତି,୫ଟି ରୁପାନ୍ତିକରଣ ଉଚ୍ଚବିଦ୍ୟାଳୟ ଭଳି ବିଭିନ୍ନ ଯୋଜନା ଗୁଡିକର ସଫଳ ରୁପାୟନ ନେଇ ଭାରତ ଲୀଳା, ଦାସକାଠିଆ,ସଖୀନାଚ, ଘଣ୍ଟସ୍ଥଳୀ, ତେଲୁଗୁ ସଂସ୍କୃତି ପାଲା ମାଧ୍ୟମରେ ପରିବେଷଣ କରିବା ଲାଗି ପରାମର୍ଶ ଦିଆଯାଇଥିଲା। ଆୟୋଜିତ କାର୍ଯ୍ୟକ୍ରମ କୁକୁଡ଼ାଖଣ୍ଡି ବ୍ଳକର କାର୍ଯ୍ୟକ୍ରମ ସହ ଅଧିକାରୀ ଅନିଲ କୁମାର ସାହୁ ସହଯୋଗ କରିଥିଲେ। ଏଥିରେ ବରିଷ୍ଠ ଦାସକାଠିଆ କଳାକାର ପଞ୍ଚାନନ ଦାସ, ଇଶ୍ଵର ଗୋଉଡ, ପୂର୍ଣଚନ୍ଦ୍ର ନାୟକ,ଟି ତ୍ରିନାଥ ପାତ୍ର,କେ ରାମଚନ୍ଦ୍ର ପ୍ରଭୃତି ଉପସ୍ଥିତ ରହିଥିଲେ।
