Santosh Kumar Mishra
ଧାନକିଣାରେ ବ୍ୟାପକ ଅବ୍ୟବସ୍ଥା ଓ କଟନୀ ଛଟନୀ ବାବଦରେ ସିବିଆଇ ତଦନ୍ତ ଦାବୀ ନେଇ ରାଜ୍ୟ ବିଜେପି କୃଷକ ମୋର୍ଚ୍ଚା ପକ୍ଷରୁ ଦାବିପତ୍ର ପ୍ରଦାନ କରାଯାଇଛି । ଓଡ଼ିଶାରେ ଧାନକିନାରେ ବ୍ୟାପକ ଅବ୍ୟବସ୍ଥା ଓ କଟନୀ ଛଟନୀ ବାବଦରେ ସିବିଆଇ ତଦନ୍ତ ଦାବୀ ନେଇ ରାଜ୍ୟ ବିଜେପି କୃଷକ ମୋର୍ଚ୍ଚା ସଂଯୋଜକ ଉତ୍ତମ ପାଣିଗ୍ରାହୀଙ୍କ ନେତୃତ୍ୱରେ ଏକ ପ୍ରତିନିଧି ଦଳ ରାଜ୍ୟପାଳଙ୍କ ଉଦେଶ୍ୟରେ ଏକ ଦାବିପତ୍ର ଛତ୍ରପୁର ଉପଜିଲ୍ଲାପାଳଙ୍କୁ ପ୍ରଦାନ କରିଛନ୍ତି । ଓଡ଼ିଶାର ପ୍ରତ୍ୟକ ଜିଲ୍ଲାରେ ଚଳିତ ଖରିଫ ଋତୁରେ ଧାନ କିଣା କାରବାରରେ ବ୍ୟାପକଭାବେ ଦୁର୍ନୀତି ଓ ଅବ୍ୟବସ୍ଥା ଦେଖା ଦେଇଛି । ମିଲର, ଶାସକ ଦଳର ନେତା ଓ ପ୍ରଶାସନିକ କଳମାନଙ୍କର ଅତ୍ୟଧିକ ଚାଷୀମାରଣ ନୀତି ଯୋଗୁଁ ଚାଷୀ ଆଜି ଆତ୍ମହତ୍ୟା କରିବାକୁ ବାଧ୍ୟ ହେଉଛି ।ଧାନମଣ୍ଡି ମାନଙ୍କରେ କିଣାଯାଉଥୁବା ଧାନ କ୍ରିଣ୍ଟାଲପ୍ରତି ୫ କିଲୋରୁ ୧୦ କିଲୋ ପର୍ଯ୍ୟନ୍ତ କଟନୀ ଛଟନୀ କରାଯାଉଛି । ତତ୍ସହିତ ଚାଷୀକୁ ବସ୍ତା ଏବଂ ସୁତୁଲି ଦିଆଯାଉନାହିଁ । ଧାନ ମଣ୍ଡିରେ ଧାନ ଓଜନ କରିବା ଓ ଅନ୍ଲୋଡିଙ୍ଗ କରିବା ନାମରେ ଦ୍ବିଣ୍ଟାଲ ପ୍ରତି ୧୦ ଟଙ୍କା ଲେଖାଏ ଚାଷୀଠାରୁ ଆଦାୟ କରାଯାଉଛି । ଓଡ଼ିଶାର ୯୮ ଭାଗ ଧାନ ମଣ୍ଡିର ଭିତ୍ତିଭୂମି ନାହିଁ ।ଧାନକୁ ସୁରକ୍ଷିତ ରଖୁବା ପାଇଁ ଗୋଦାମ ଘର ନାହିଁ, ପାଚେରୀ ନାହିଁ, ଚାଷୀ ବିଶ୍ରାମ ନେବାପାଇଁ ବିଶ୍ରାମ ଘର ନାହିଁ । ଶୌଚ ହେବା ପାଇଁ ପାଇଖାନା ନାହିଁ ଓ ପିଇବା ପାଣିର ବ୍ୟବସ୍ଥା ମଧ୍ଯ ନାହିଁ ।ଏଣୁ ସାମ୍ବିଧାନିକ ମୁଖ୍ୟ ହିସାବରେ ସାମ୍ବିଧାନିକ କ୍ଷମତା ପ୍ରୟୋଗକରି ଚାଷୀମାନଙ୍କର ସମସ୍ୟାଗୁଡ଼ିକୁ ସମାଧାନ କରିବାରେ ପଦକ୍ଷେପ ନେବାକୁ ଏବଂ ଉପରୋକ୍ତ ଦୁର୍ନୀତିର ସିବିଆଇ ତଦନ୍ତ କରାଇବାକୁ ଦାବୀ କରିଛନ୍ତି ଏହି ପ୍ରତିନିଧି ଦଳ ।
