ଗଞ୍ଜାମ-ଛତ୍ରପୁର ସରକାରୀ ବିଜ୍ଞାନ ମହାବିଦ୍ୟାଳୟରେ ମହାରାଜା କୃଷ୍ଣ ଚନ୍ଦ୍ର ଗଜପତି ନାରାୟଣ ଦେବ ଙ୍କ ଜୟନ୍ତୀ ଉପଲକ୍ଷେ ସ୍ମୃତିଚାରଣ ସଭା ତଥା ଏକ କର୍ମଶାଳା ଆୟୋଜନ ହୋଇ ଯାଇ ଅଛି l ମହାବିଦ୍ୟାଳୟର ଅଧ୍ୟକ୍ଷ ଡଃ ଅଜୟ କୁମାର ତ୍ରିପାଠୀଙ୍କ ସଭାପତିତ୍ୱରେ ଆୟୋଜିତ ଏହି କର୍ମଶାଳାରେ ଗଞ୍ଜାମ ମହା ବିଦ୍ୟାଳୟ ର ରାଜନୀତି ବିଭାଗର ପ୍ରାଧ୍ୟାପକ ଡଃ ଆମର ବିଷୋୟୀ ଯୋଗଦାନ କରି ମହାରାଜା କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଜୀବନୀ ତଥା ଆଧୁନିକ ଓଡିଶା ନିମନ୍ତେ ତାହାଙ୍କର ଅବଦାନ ସମ୍ପର୍କ ରେ ଆଲୋଚନା କରିଥିଲେ lଗଜପତି ଜିଲ୍ଲାରପାରଳାଖେମୁଣ୍ଡିଠାରେ ଜନ୍ମିତ କୃଷ୍ଣଚନ୍ଦ୍ର ଜଣେ ଶାସକ ଓ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ଅନ୍ୟତମ ବିନ୍ଧାଣି ଭାବରେ ପରିଚିତ ଥିଲେ । ସମ୍ମାନିତ ଅତିଥି ଭାବରେ ଡ଼ ପିଙ୍କି ରାଣୀ ଦେଇ ମହାରାଜାଙ୍କ ରାଜନୈତିକ ଜୀବନୀ ସମ୍ପର୍କରେ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରିବା ସହ ଛାତ୍ର ଛାତ୍ରୀ ତଥା ଅଧ୍ୟାପକ ଅଧ୍ୟାପିକାମାନଙ୍କ ମନରେ ଏହି ସମ୍ବନ୍ଧୀୟ ଥିବା ବିଭିନ୍ନ ସନ୍ଦେହମୋଚନ କରିଥିଲେ | ଇତିହାସ ବିଭାଗର ସହକାରୀ ଅଧ୍ୟାପିକା ସପା ରଂଜିତା ରାଣୀ ଅତିଥି ପରିଚୟ ପ୍ରଦାନ କରିଥିଲେ l ମହାବିଦ୍ୟାଳୟର ଅଧ୍ୟକ୍ଷ ମଧ୍ୟ ଏହି ବିଷୟରେ ବିସ୍ତୃତ ବିବରଣୀ ପ୍ରଦାନ କରିଥିଲେ | ପରିଶେଷରେ ମହାବିଦ୍ୟାଳୟର ଇତିହାସ ବିଭାଗର ସହକାରୀ ଅଧ୍ୟାପିକା ଶ୍ରୀମତୀ ସନ୍ତୋଷିନୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ | ଅଧ୍ୟାପକ ଶ୍ରୀ ବିନାୟକ ଘୋଷ ସଭାକାର୍ଯ୍ୟ ସଂଯୋଜନା ଓ ପରିଚାଳନା କରିଥିଲେ lଏହି କର୍ମଶାଳାରେ ମହାବିଦ୍ୟାଳୟର ବିଭିନ୍ନ ବିଭାଗର ସମସ୍ତ କର୍ମଚାରୀ ଯୋଗଦାନ କରି ପ୍ରେରିତ ଓ ଉତ୍ସାହିତ ହୋଇଥିଲେ |