Bhagyaprabha News Bureau
ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ଦେଶ ବ୍ୟସ୍ତ ଥିବା ବେଳେ ଏକ ବଡ଼ ଧରଣର ଘଟଣା ପାଇଁ ଷଡ଼ଯନ୍ତ୍ର ରଚିଥିବା ୪ ଜଣ ନକ୍ସଲଙ୍କୁ ପୋଲିସ ଗିରଫ କରିଥିବା ଜଣାପଡ଼ିଛି । ଛତିଶଗଡ଼ର ବିଜାପୁର ଜିଲ୍ଲାର ବିଦ୍ରେ ଅଚଂଳରେ ସୁରକ୍ଷା କର୍ମୀମାନେ ୪ ଜଣ ନକ୍ସଲଙ୍କୁ ଗିରଫ କରିବା ସହିତ ସେମାନଙ୍କ ଠାରୁ ୩ଟି ଦେଶୀ ବନ୍ଧୁକ ଜବତ କରିଛି । ସାଧାରଣ ନିର୍ବାଚନ ପାଇଁ ସୁରକ୍ଷା ବାହିନୀର ଯବାନମାନେ ସମ୍ବେଦନ ଓ ଅତି ସମ୍ବେଦନଶୀଳ ଅଚଂଳରେ ନକ୍ସଲ ଉପଦ୍ରବ ନ ଘଟୁ, ସେଥିପାଇଁ ସତର୍କ ଅଛନ୍ତି । ପୋଲିସ ନକ୍ସଲ ଗତିବିଧି ଉପରେ ନଜର ରଖିଛି ।ସୂଚନାଯୋଗ୍ୟ ଛତିଶଗଡ଼ରେ ମାଓବାଦୀମାନେ ମଙ୍ଗଳବାର ୪ ଜଣ ବିଏସଏଫର ଯବାନ ଓ ଜଣେ ବିଧାୟକଙ୍କୁ ଲ୍ୟାଣ୍ଡମାଇନ ବିସ୍ଫୋରଣ କରି ହତ୍ୟା କରିଥିଲେ ।ଏହି ଘଟଣା ୨୪ ଘଣ୍ଟା ନପୂରୁଣୁ ଛତିଶଗଡ଼ ଓ ମହାରାଷ୍ଟ ସୀମାର ଗଡ଼ଚିରୋଲିର ଏକ ଜଙ୍ଗଲରେ ନକ୍ସଲମାନେ ସିଆରପିଏଫ ଯବାନଙ୍କୁ ଟାର୍ଗେଟ କରିଥିବା ଏକ ରିପୋର୍ଟରୁ ଜଣାପଡ଼ିଥିଲା ।
