ଅମୃତସର ଜାଲିଆନାୱାଲା ବାଗରେ ହୋଇଥିବା ନରସଂହାର ଘଟଣାରଆଜି ୧୦୦ ବର୍ଷ ପୂରଣ ହେଉଥିବାରୁ ସେଠାରେ ଏକ ଖାସ୍ କାର୍ଯ୍ୟକ୍ରମର ଆୟୋଜନ ହୋଇଛି । ଏହି କାର୍ଯ୍ୟକ୍ରମରେ ଉପ ରାଷ୍ଟ୍ରପତି ବେଙ୍କେୟା ନାଇଡୁ ଏବଂ ପଞ୍ଜାବ ରାଜ୍ୟପାଳ ସହିଦଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଛନ୍ତି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଶନିବାର ସକାଳେ ଅମୃତସର ପହଂଚିଥିଲେ ଏବଂ ସହିଦଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ । ଏହି ସମୟରେ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ ମଧ୍ୟ ତାଙ୍କ ସହ ସେଠାରେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ସହିଦଙ୍କ ସ୍ମରଣାର୍ଥେ ମୁଦ୍ରା ଏବଂ ଡାକ ଟିକେଟ୍ ଜାରୀ କରାଯିବ । ଏହା ପୂର୍ବରୁ ରାଜ୍ୟପାଳ ବିପି ସିଂହ ବଦନୋର,ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ ଏକ କ୍ୟାଣ୍ଡେଲ୍ ମାର୍ଚ୍ଚ ବାହାର କରି ସହିଦଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ । ଏହି ମାର୍ଚ୍ଚରେ କ୍ୟାବିନେଟ୍ ମନ୍ତ୍ରୀ ସୁଖୱିନ୍ଦର ସିଂହ ସୁଖସରକରିୟା,ଓମ୍ ପ୍ରକାଶ ସୋନୀ,ସୁନୀଲ୍ ଜାଖଣ୍ଡ ଏବଂ ଅନ୍ୟାନ୍ୟ ନେତା ଛାତଛାତ୍ରୀ ସାମିଲ ହୋଇଥିଲେ ।