ଲକ୍ଷ୍ମୀସାଗର ଥାନା ଅଧିନ ଝାରପଡା ରୋଡ ଅଞ୍ଚଳରେ ରବିବାର ରାତିରେ ବିଜେଡି ବିଧାୟକ ପ୍ରାର୍ଥୀ ନାରାୟଣ ଜେନାଙ୍କ କାରଗାଡି ଉପରକୁ ବୋମା ବିଷ୍ପୋରଣ ହୋଇଛି । ଏହି ବିସ୍ପୋରଣରେ ଅନନ୍ତ ନାରାୟଣ ଜେନା ଙ୍କ ସହିତ ରଞ୍ଜିତ ପ୍ରଧାନ ନାମକ ଜଣେ ବ୍ୟକ୍ତି ଆହାତ ହୋଇଛନ୍ତି । ଦୁୂଇ ଆହାତ ଜଣଙ୍କୁ କ୍ୟାପିଟାଲ ହାସପିତାଲରେ ଭର୍ତ୍ତି କରାଯାଇଛି । ଏହି ଘଟଣା ପରେ ସମର୍ଥକ ମାନଙ୍କ ମଧ୍ୟରେ ଉତେଜନା ପ୍ରକାଶ ପାଇଛି । ଖବର ଅନୁଯାୟୀ ରାତି ପ୍ରାୟ ୯ ଟାରେ ଅନନ୍ତ ଝାରପଡା ଆସିଥିବା ବେଳେ ବାଇକ ରେ ଦୁଇଜଣ ଦୁର୍ବୁତ୍ତ ଆସି କାର ଉପରେ ବୋମା ପକାଇଥିଲେ । ରାତ୍ରରେ ବିଦ୍ୟୁତ ସରବରାହ କିଛି ସମୟ ପାଇଁ କଟିଯାଇଥିବାରୁ ଦୁବୁର୍ତ୍ତମାନେ ଘଟଣା ସ୍ଥଳରୁ ଚମ୍ପଟ ମାରିବାରେ ସଫଳ ହୋଇଛନ୍ତି । ଗାଡି ଉପରକୁ ତିନିଗୋଟି ବୋମାମାଡ ହୋଇଥିବା ଥାନାଅଧିକାରୀ ନାୟକ କହିଛନ୍ତି । ଗତ ୧୭ ତାରିଖରେ ଅମରେଶ ଜେନାଙ୍କ କାର୍ଯ୍ୟାଳୟ ଉପରକୁ ବୋମାମାଡ କରିଥିଲେ ଦୁବୁର୍ତ୍ତ ଏହି ଘଟଣାରେ ପୋଲିସର ହାତ ଖାଲି ପଡିଥିବାବେଳେ ଅନନ୍ତନାରାୟଣ ଜେନାଙ୍କ କାର ଉପରକୁ ବୋମାମାଡ ପୋଲିସର ମୁଣ୍ଡବ୍ୟଥାର କାରଣ ପାଲଟିଛି । ସେପଟେ ବିଜେଡି ତରଫରୁ ସିଇଓଙ୍କ ନିକଟରେ ଅଭିଯୋଗ କରିଛନ୍ତି । ଏହି ଆକ୍ରମଣ ପଛରେ ଅପରାଜିତା ଷଡଙ୍ଗୀ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହାତଥିବା ବିଜେଡି ଅଭିଯୋଗ କରିଛି ।