ଚଳିତ ଆଇପିଏଲ୍ରେ ଶନିବାର ବିଜୟୀ ହୋଇଛି ରାଜସ୍ଥାନ ରୟାଲ୍ସ । ଟସ୍ ଜିତି ରାଜସ୍ଥାନ ରୟାଲ୍ସ ଫିଲ୍ଡିଂ ନେବା ପରେ ସନ୍ରାଇଜର୍ସର ଓପ୍ନିଂ ଯୋଡ଼ି ୨୮ ରନ୍ କରିଥିଲେ। ଅଧିନାୟକ କେନ୍ ୱିଲିୟମ୍ସନ ୧୪ ବଲ୍ରୁ ୨ଟି ଚୌକା ସହ ୧୩ ରନ୍ କରି ବିଦାୟ ନେଇଥିଲେ। ପ୍ରଥମେ ବ୍ୟାଟିଂକରି ସନ୍ରାଇଜର୍ସ ୮ ୱିକେଟରେ ୧୬୦ ରନ୍ କରିଥିଲା। ପରେ ରାଜସ୍ଥାନ ୧୯.୧ ଓଭରରେ ୩ ୱିକେଟ ହରାଇ ଏହା ବିଜୟୀ ହୋଇଥିଲା। ୧୨ଶ ମ୍ୟାଚ୍ରେ ୫ମ ବିଜୟ ହାସଲକରି ପ୍ଲେଅଫ୍ ଦୌଡ଼ରେ ରାଜସ୍ଥାନ ରୟାଲ୍ସ ରହିପାରିଛି। ସନ୍ରାଇଜର୍ସ ୧୧ଶ ମ୍ୟାଚ୍ରେ ୬ଷ୍ଠ ପରାଜୟ ଭୋଗିଛି। ତେବେ ରାଜସ୍ଥାନ ବିଜୟୀ ହେବା ଫଳରେ ଚେନ୍ନଇ ପ୍ରଥମ ଦଳ ଭାବେ ପ୍ଲେଅଫ୍ ଖେଳିବା ନିଶ୍ଚିତ କରିଛି। ରାଜସ୍ଥାନ ରୟାଲ୍ସ ଦୃଢ଼ତାର ସହ ୧୬୧ ରନ୍ ଲକ୍ଷ୍ୟର ପିଛା ଆରମ୍ଭ କରିଥିଲା।