Bhagyaprabha News Bureau
କଳାହାଣ୍ଡି ୧୬ ନମ୍ବର ରାଜ୍ୟ ରାଜପଥ ତୁରକେଲ ବ୍ରିଜ ନିକଟରେ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି । ଭାରସାମ୍ୟ ହରାଇ ନଦୀରେ ଖସିପଡିଛି ଟ୍ରକ୍ । ଟ୍ରକର ଡ୍ରାଇଭର ଓ ହେଲପର ଚାପି ହୋଇରହିଥିବା ଆଶଙ୍କା କରାଯାଉଛି । ଘଟଣାସ୍ଥଳରେ କର୍ଲାପଡା ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଟ୍ରକ୍ ଟି ଖଡିଆଳରୁ ଭବାନୀପାଟଣା ଆସୁଥିଲା ।ତେବେ ଖବର ପାଇବା ପରେ ଘଟଣାସ୍ଥଳରେ ଅନେକ ଲୋକ ଏକତ୍ରୀତ ହୋଇଥିଲେ । କେମିତି ଦୁର୍ଘଟଣା ହେଲା ତାହା ସମ୍ପର୍କରେ କୌଣସି ସୂଚନା ମିଳିପାରିନାହିଁ । ମିଳିଥିବା ସୂଚନା ଅନୁସାରେ, ରାସ୍ତାରେ ଯାଉଥିବା ସମୟରେ ଟ୍ରକଟି ଭାରସାମ୍ୟ ହରାଇ ନଦୀ ବ୍ରିଜରୁ ତଳକୁ ଖସିପଡିଥିବା ନେଇ ଅନୁମାନ କରାଯାଉଛି ।
